Ruoman 8:13 - Di Jamiekan Nyuu Testiment

¹³ (Ef yu liv ou yu badi wuda waahn yu fi liv, yu mos ded.) Bot ef yu mek di Spirit elp yu, yu kyan tap du di sitn dem we yu badi waahn yu fi du, an den yu wi liv.

Ruoman 8:13 ပူးပေါင်းရင်းမြစ်များ

Gyalieshan 6:8

So ef yu plaant di sitn dem we yu badi waahn, a ded unu a-go ded — a dat unu a-go riip. Bot ef yu plaant di sitn dem we Gad Spirit waahn yu wi riip laif, wan laif we naa go don.

1 Piita 2:11

Mi fren, mi a beg unu du, laik ou unu a farina pan ort, we a-go de ya fi nou mongks chrienja, no bada du wa di badi waahn — di badi a waar wid di suol.

1 Korintiyan 9:27

Nuo mi no mek mi badi kanchuol mi, mi kanchuol mi badi an mek it du wa mi waahn it fi du. Da wie de afta mi don priich di Gud Nyuuz Gad kyaahn se mi no dizorv fi mi praiz.

Taitos 2:12

Di gud we im du fi wi, tiich wi ou fi ton we fram wikidnis an fi no lov di sitn dem we di worliyan dem waahn.

Gyalieshan 5:24

Di piipl dem we bilang tu Jiizas Krais no mek dem badi ruul dem. Dem no du di wikid sitn dem we dem badi wel waahn du, dem tap dem sitn de. It komiin laik se dem niel dem op pan di kraas an kil dem.

Ifiijan 4:22

Unu lorn se unu fi don we wid di uol laif we unu yuus tu liv an aal a di woklis sitn dem unu yuus tu du, wen unu neva did a fala Jiizas. Dem taim de, unu did lov di wikid sitn dem we onggl did a mash op unu laif.

1 Piita 1:22

Nou dat unu kliin op unu suol kaaz unu fala di riil mesij we dem tiich bout Krais Jiizas, unu kyan riili lov unu wan aneda. Unu mos aalwiez riili lov unu wan aneda wid aal a unu aat.

Ruoman 7:5

Wan taim wi did a liv ou wi waahn fi liv — wi did a mek wi badi kanchuol wi. Di sitn dem we wi badi did wel waahn fi du, did a kaaz wi fi sin. An chuu wi did nuo Gad Laa, wi staat fi sin muor an muor. Wid aal a di rang sitn dem we wi did a du a onggl ded wi did a go ded.

Ifiijan 5:18

No bada jringk chrang jringk an get jongk an galang bad an gwaan wid aal kain-a naasinis. Wa unu fi du a mek di Uoli Spirit tek kanchuol a unu laif.

Ruoman 6:21

An wa unu did get fram ou unu did a liv? Di sitn dem we unu did du an we unu shiem bout nou, wa unu did get fram dem? Di onggl ting dem sitn de du, a kaaz piipl fi ded.

Ifiijan 4:30

No du notn fi mek Gad Uoli Spirit afi baal. A im liv iina unu an put im speshal maak pan unu fi shuo se unu bilang tu Gad an se wan die Gad a-go frii unu kaaz a dat im siev unu fa.

Ruoman 6:23

So aal sin du a kaaz piipl fi ded. So ef sin a yu maasta dat a aal yu a-go get. Bot wa Gad gi wi, im gi wi fi frii — a wan gif. Wen wi biliiv iina wi Laad Jiizas Krais, wen wi an im ton wan, Gad mek wi liv fi eva an eva.

Ruoman 8:12

So den breda an sista, wi afi liv ou Gad Spirit waahn wi fi liv. Wi no fi fala wi badi, an liv ou it waahn wi fi liv.