Ruoman 8:1 - Di Jamiekan Nyuu Testiment

¹ So nou, di piipl we biliiv iina Krais Jiizas an we ton wan wid im, Gad naa go luk pan dem an se dem gilti an mos get ponish.

Ruoman 8:1 ပူးပေါင်းရင်းမြစ်များ

Jan 14:20

Wen da die de kom, unu a-go si se mi liv iina mi Faada, dat unu liv iina mi an dat mi liv iina unu.

Jan 15:4

Tan wid mi, an mi wi tan wid unu. Wan branch kyaahn bier fruut pan it uon; it afi tan pan di chrii. A siem wie unu naa go kyan bier fruut ef unu no tan wid mi.

Jan 5:24

“Mi de tel unu fi chuu chuu, enibadi we ier we mi se an chos iina di wan we sen mi, a-go liv fi eva. Dem naa go get sen fi ded. Nuo! Dem get muuv uova fram we paat dem wuda ded, an gaan uova tu we paat dem gweehn liv.

Ruoman 16:3

Tel Priska an Akwila oudi fi mi. Dem wok wid mi fi Jiizas Krais

Ruoman 16:7

Anjranikos an Juuniyas, mi kombolo uu did iina prizn wid mi, oudi tu unu. Aal a di apasl dem nuo dem gud gud an rispek dem an dem did biliiv iina Krais Jiizas bifuo mi.

Ruoman 5:1

Gad put tingz rait bitwiin wi an im, kaaz wi biliiv iina im. An siek-a wa wi Laad Jiizas Krais did du, wi an Gad a liv iina piis.

Ruoman 5:16

Mi wi se it agen, di gif we Gad gi wi fi frii difrant fram wa Adam sin did kaaz. Afta Adam did sin an kaaz sin fi kom iina di worl, Gad joj evribadi an se dem fi get ponish fi di rang we dem du. Bot nou afta nof nof piipl sin Gad shuo ou im gud an kain tu piipl wen im gi dem im gif. Iivn duo dem neva du notn fi dizorv it Gad tek we dem sin dem so dat dem no afi get ponish.

Ruoman 7:17

So a no riili mi a du dem sopm ya bot a di sin we a liv iina mi a du it.

Ruoman 7:20

So ef mi a du di sitn dem we mi no waahn fi du, a no mi riili a du dem. A di sin we a liv iina mi a du it.

Ruoman 8:11

A Gad Spirit mek Jiizas kom bak alaiv. So den, ef Gad Spirit a liv iina unu, siem laik ou it mek Jiizas kom bak alaiv a siem so Gad wi yuuz im Spirit fi mek fi wi badi kom bak alaiv afta wi ded.

Ruoman 8:14

Kaaz a onggl di piipl dem we mek Gad Spirit liid dem, a Gad pikni.

Ruoman 8:2

Kaaz di Spirit we riili gi laif an we kaaz wi fi ton wan wid Krais Jiizas, da Spirit de set wi frii. Im set wi frii fram di laa we kaaz piipl fi sin an ded.

Ruoman 8:34

So den uu kyan joj di piipl we Gad pik an se dat dem gilti? Nobadi! Nobadi kyaahn du dat! Jiizas Krais we did ded an kom bak alaiv an uu sidong a Gad rait an, a taak tu Gad an a beg fi wi.

Ruoman 8:39

Mi nuo fi shuor se, notn we de wie op iina di skai ar we de anda di ort kyan mek im tap lov wi. Az a matarafak, notn we Gad mek, notn at aal kyan tek we di lov we kom fram Gad an we Krais Jiizas shuo wi.

Ruoman 8:4

Gad du dat, so dat aal a wi we a liv ou im Spirit se wi fi liv an uu naa du di sitn dem we wi badi waahn fi du, aal a wi wuda a du di sitn dem we di Laa se it rait fi wi du.

Ruoman 8:9

Bot yu si unu, unu naa liv ou unu badi waahn unu fi liv. Unu a liv ou di Spirit se unu fi liv, dat a ef Gad Spirit riili de iina unu. Nou di piipl we no av Krais Jiizas Spirit a liv iina dem, dem no bilang tu Gad.

1 Korintiyan 1:30

A Gad kaaz unu fi kluos wid Jiizas Krais. An a Jiizas mek wi kyan nuo Gad an kyan andastan sortn tingz — Gad mek wi waiz wen wi kluos wid Jiizas. An chuu wi kluos wid Jiizas, Gad tek we aal a wi sin an mek tingz rait bitwiin wi an im. An so wi a im pikni nou.

1 Korintiyan 15:22

Piipl afi ded siek-a wa Adam did du, bot piipl we biliiv iina Gad a-go kom bak alaiv siek-a wa Jiizas Krais did du.

2 Korintiyan 12:2

Mi nuo wan man, wan a Krais Jiizas falara dem, wa fuotiin ier ago, im get tek op iina di aiyis paat a evn. (Mi no nuo ef im badi did get tek op ar a jos im spirit di go a evn — a onggl Gad nuo.)

2 Korintiyan 5:17

Wen sumadi biliiv iina Krais Jiizas, dem ton wan nyuu sumadi. Dem tap liv di wie dem yuus tu liv bifuo dem biliiv an staat liv difrant.

Gyalieshan 3:13

Nou wi no aalwiez fala aal a di Laa dem an siek-a dat Gad wuda ponish wi. Bot Krais Jiizas siev wi fram get ponish wen im kom an sofa fi wi. Im get ponish so wi wudn get ponish. It aal rait dong iina Gad wod se, “Enibadi we dem eng op pan wan kraas — Gad a ponish dem.”

Gyalieshan 3:26

Nou aal a unu a Gad pikni kaaz unu biliiv an chos iina Jiizas Krais.

Gyalieshan 3:28

Unu no plit op no muor. Unu no av piipl we a Juu an piipl we a no Juu ar piipl we a sliev an piipl we frii. It no iivn mata ef unu a man ar uman, aal a unu a wan kaaz aal a unu biliiv iina Jiizas.

Gyalieshan 5:16

Mi a tel unu liv unu laif laik ou Gad Spirit se unu fi liv. Da wie de unu naa go gi iin tu sin an du di rang sitn dem we unu eva waahn fi du.

Gyalieshan 5:25

So sins Gad Spirit gi wi laif, mek wi liv ou di Spirit waahn wi fi liv.

Ifiijan 1:1

Mi a Paal. Gad pik mi fi bi wan a Jiizas Krais apasl, kaaz a dat im did waahn. Mi a rait da leta ya tu aal a Gad piipl we de iina Efisos an we riili chos iina Jiizas.

Filipiyan 3:9

Mi waahn Jiizas fi tek ful kanchuol a mi — badi an suol. Mi naa dipen pan notn we di Laa se, ar we mi kyan du fi mek miself rait iina Gad yai. Mi a dipen pan di rait sitn dem we Jiizas du, kaaz fi get rait iina Gad yai yu afi dipen onggl pan wa Jiizas du.