Ruoman 7:2 - Di Jamiekan Nyuu Testiment

² Mek mi shuo unu wa mi miin. Di Laa se ef wan uman marid, az lang az ar ozban stil alaiv shi afi tan wid im. Bot ef ar ozban ded, di Laa se shi frii.

Ruoman 7:2 ပူးပေါင်းရင်းမြစ်များ

Ruoman 7:3

So den, ef wan uman go marid wan neda man wen ar ozban stil alaiv, shi a liv iina sin kaaz shi a brok di Laa. Bot ef ar ozban ded, shi frii fi go marid agen. Shi wudn a brok no Laa.

Ruoman 7:6

Bot nou Gad frii wi fram di Laa. Di Laa did av wi laik prizna bot kaaz wi did ded, wi a no prizna no muor. Nou wi sorv Gad, no wen wi fala di Laa, dat a di uol wie, nou wi sorv im wan nyuu wie. Wi sorv im wen wi liv ou Gad Spirit se wi fi liv.

1 Korintiyan 7:39

Wan uman mos stie marid tu ar ozban az lang az im a liv. Bot ef im ded shi kyan go marid sumadi els bot da man de afi bi wan a Gad pikni.

1 Korintiyan 7:4

Di waif badi a no fi ar uon, ar badi bilang tu ar ozban. A siem so di ozban badi a no fi im uon, im badi bilang tu im waif.