Ruoman 7:18 - Di Jamiekan Nyuu Testiment

¹⁸ Mi nuo se notn gud no de iina a mi, mi badi naa go mek mi du we rait. Kaaz mi waahn fi du we gud bot mi kyaahn du it.

Ruoman 7:18 ပူးပေါင်းရင်းမြစ်များ

Matyu 15:19

Kaaz a outa di aat aal kain-a wikidnis we piipl tingk op kom fram. Wen sumadi go kil, go sliip wid sumadi we dem no marid tu ar gwaan wid aal kain-a ada seks sin, wen piipl tiif, tel lai, ar tek dem mout tier dong ada piipl — a di aat dem sitn de kom fram.

Luuk 11:13

Ef unu so wikid an stil nuo ou fi gi unu pikni nais sitn, unu no tingk se unu Faada op iina evn wi iivn muo dan redi fi gi di Uoli Spirit tu enibadi we aks im!”

Jan 3:6

Wen biebi baan, a piipl a av piipl, bot Gad, im mek piipl baan iina di Spirit.

Ruoman 13:14

Insted-a aal a dat, unu fi mek Jiizas Krais ruul uova unu an tap tingk bout di wikid sitn dem we unu badi waahn fi du an ou unu kyan get dem sitn de.

Ruoman 7:15

Mi no andastan di sitn dem we mi a du, kaaz mi naa du di sitn dem we mi waahn fi du. Insted-a dat mi a du di sitn dem we mi iet.

Ruoman 7:19

Di gud sitn dem wa mi waahn fi du, mi no du dem. Bot di wikid sitn dem we mi no waahn fi du, a dat mi du.

Ruoman 7:25

Mi tangk Gad kaaz im wi siev mi an im yuuz wi Laad Jiizas Krais fi du it. So dis a ou tingz stie wid mi: iina mi ed, mi a wan sliev an Gad Laa a mi maasta. Mi waahn fi fala evriting we it se, bot mi badi, a laik sin a fi it maasta an it a fala evriting we sin se it fi du.

Ruoman 7:5

Wan taim wi did a liv ou wi waahn fi liv — wi did a mek wi badi kanchuol wi. Di sitn dem we wi badi did wel waahn fi du, did a kaaz wi fi sin. An chuu wi did nuo Gad Laa, wi staat fi sin muor an muor. Wid aal a di rang sitn dem we wi did a du a onggl ded wi did a go ded.

Gyalieshan 5:17

Kaaz di rang sitn dem we di badi waahn fi du, di Spirit no waahn dat. An di sitn dem we di Spirit waahn fi du, di badi no waahn dat. Di tuu a dem eva a fait wid dem wan aneda, a so mek unu kyaahn aalwiez du wa unu waahn fi du.

Gyalieshan 5:24

Di piipl dem we bilang tu Jiizas Krais no mek dem badi ruul dem. Dem no du di wikid sitn dem we dem badi wel waahn du, dem tap dem sitn de. It komiin laik se dem niel dem op pan di kraas an kil dem.

Filipiyan 2:13

Unu kyan liv da wie de, kaaz a Gad a wok iina unu laif. A Gad mek unu waahn fi du di sitn dem we im waahn unu fi du. An a im gi unu di chrent fi du dem tu. An wen unu du dem, it mek im wel api.

Filipiyan 3:12

Mi naa se mi riich we mi waahn fi riich aredi, ar dat evriting we Jiizas kaal mi fa mi a it aredi. Bot mi a pres aad aad fi ton di kain-a sumadi Krais Jiizas pik an waahn mi fi bi.

Taitos 3:3

Kaaz wan taim wi yuus tu fuul-fuul tu, wi neva waahn fala notn we nobadi se an wi a did sliev tu aal a di wikid sitn dem we wi waahn. Evridie wi beks wid wi wan aneda an wi eva waahn wa sumadi els av. Aal wi du a iet: wi iet evribadi an evribadi iet wi.

1 Piita 4:2

Fram nou aan den, da sumadi de no fi spen di res a dem laif pan da ort ya a du aal kain-a sitn we no av notn fi du wid Gad laka wan taim, kaaz a dat dem mait-a waahn fi du. Nuo, dem fi liv ou Gad waahn dem fi liv.