Ruoman 7:11 - Di Jamiekan Nyuu Testiment

¹¹ Siek-a di Laa, sin get a chaans fi chrik mi an it yuuz di Laa fi kil mi.

Ruoman 7:11 ပူးပေါင်းရင်းမြစ်များ

Ruoman 7:8

Siek-a di Laa, sin get a chaans fi stor op aal kain-a sitn iina mi. It mek mi waahn fi du aal a di sitn dem mi no fi du. Ef no Laa neva de, sin wudn av no powa.

Iibruu 3:13

Insted-a dat, elp unu wan aneda evridie, so langks a ‘Tide’ it niem, so sin no ful op non a unu aat, an mek it tof op.

Jiemz 1:26

Ef nobadi tingk se im a sorv Gad di rait wie, bot im kyaahn kanchuol im tong, im jos a fuul imself, an we im se im a du fi Gad no wot notn.

Jiemz 1:22

Unu no fi onggl ier Gad mesij — unu fi du wa it se! Ef unu onggl a lisn an naa du wa Gad se, unu onggl a fuul unuself.

Ruoman 7:13

So wa unu tingk mi a se? Unu tingk mi a se di Laa we gud, se a it kaaz mi fi ded? Nuo sa! Notn kyaahn go so! A sin kil mi. An sin shuo wi uu im riili bi wen im tek di Laa, sopm we gud, an yuuz it fi kil mi. So di Laa, it elp wi fi riili si ou torbl sin bi.

Ifiijan 4:22

Unu lorn se unu fi don we wid di uol laif we unu yuus tu liv an aal a di woklis sitn dem unu yuus tu du, wen unu neva did a fala Jiizas. Dem taim de, unu did lov di wikid sitn dem we onggl did a mash op unu laif.

Ruoman 3:20

Evribadi a-go get ponish, kaaz Gad naa go mek tingz rait bitwiin yu an im jos chuu yu a fala di Laa. Di Laa kyaahn du dat, wa di Laa du a mek wi nuo se wi a sina.