Ruoman 7:10 - Di Jamiekan Nyuu Testiment

¹⁰ an a dat mek mi ded. So mi did fain se di siem Laa we Gad sen we did fi kaaz mi fi liv, a it kaaz mi fi ded.

Ruoman 7:10 ပူးပေါင်းရင်းမြစ်များ

Ruoman 10:5

Di piipl dem we fala di Laa so dat Gad wuda put tingz rait bitwiin im an dem, dis a wa Muoziz did rait bout dem: “Ef sumadi du evriting we di Laa se, di Laa wi mek dem liv.”

Ruoman 4:15

Kaaz Gad beks wen piipl brok im Laa, an kaaz a di Laa im a-go joj dem piipl de. Bot ef no laa no de de, nobadi kyan brok it, kaaz notn wudn de de fi brok.

Ruoman 7:9

Wen mi neva nuo bout di Laa, mi did alaiv. Bot wen mi kom fi nuo wa di Laa se, sin riez op iina mi an mek mi wel waahn fi du di sitn dem mi no fi du,

2 Korintiyan 3:7

Di Laa did rait dong pan stuon, an wen Gad sen it, im sen it wid im brait brait lait. Da lait de did so brait dat it mek Muoziz fies staat shain. An iivn duo di brait lait did a fied, it mek im shain so moch dat di Izrel piipl dem kudn iivn luk pan im fi lang. Nou ef da Laa de, we kyaahn siev piipl bot sen piipl fi ded, did kom wid so moch powa

Gyalieshan 3:12

Bot yu no afi biliiv iina Gad fi fala di Laa, di Laa no av notn fi du wid dat. It rait dong iina Gad wod se, “Di wan dem we a fala di Laa an du evriting we di Laa se dem fi du — dem wi liv azkaadn tu ou di Laa se dem a-go liv.”