Ruoman 6:7 - Di Jamiekan Nyuu Testiment

⁷ Kaaz wen sumadi ded, dem frii; sin kyaahn kanchuol dem no muor.

Ruoman 6:7 ပူးပေါင်းရင်းမြစ်များ

1 Piita 4:1

Sins Krais Jiizas sofa wen im did a waak pan da ort ya, a siem wie unu fi get unu main redi fi sofa tu. Kaaz enibadi we staat sofa so, a ton dem ton dem bak pan sin.

Ruoman 8:1

So nou, di piipl we biliiv iina Krais Jiizas an we ton wan wid im, Gad naa go luk pan dem an se dem gilti an mos get ponish.

Ruoman 7:4

Breda an sista a siem so it go wid unu wen it kom tu di Laa. Wen Jiizas did ded a laik unu did ded wid im, so di Laa naa no powa uova unu. Gad mek Jiizas kom bak alaiv an nou wi bilang tu im. Wi bilang tu Jiizas an siek-a dat wi a sorv Gad wen wi liv rait.

Ruoman 7:2

Mek mi shuo unu wa mi miin. Di Laa se ef wan uman marid, az lang az ar ozban stil alaiv shi afi tan wid im. Bot ef ar ozban ded, di Laa se shi frii.

Ruoman 6:8

Nou ef wi did ded wid Krais Jiizas, wi biliiv se wi wi liv wid im tu.

Ruoman 6:2

Nuo sa, notn kyaahn go so! Wen it kom tu sin, a laik a ded wi ded, sin naa no powa uova wi. So ou wi, wi we sin naa no powa uova, ou wi fi a stil liv iina sin?

Matyu 11:19

Di Man we Gad Pik kom a nyam an a jringk, an dem se, ‘Luk ya, da man ya krievn an im a jongkad. Fi im fren dem a taks kalekta an sina!’ Di piipl we fala di rait wie pruuv se Gad waiz an im wie rait.”