Ruoman 6:10 - Di Jamiekan Nyuu Testiment

¹⁰ Wen Jiizas ded, sin luuz aal a it powa fi eva, an di laif we im a liv nou, im a liv fi Gad.

Ruoman 6:10 ပူးပေါင်းရင်းမြစ်များ

2 Korintiyan 5:21

Jiizas neva sin yet bot Gad put fi wi sin pan im, so dat wi kuda get kliin. Da wie de wen wi biliiv iina Jiizas, tingz wuda rait bitwiin wi an Gad.

1 Piita 4:6

A dat mek di Gud Nyuuz did priich tu aal di piipl dem we ded nou, kaaz iivn duo dem get joj laik ada piipl, di Spirit wi mek dem kyan go liv wid Gad.

1 Piita 3:18

Kaaz Krais Jiizas sofa an ded fi di uol a wi sin wans an faraal. Wan man we du onggl wa rait, ded fi aal a uu a sina, fi bring wi tu Gad. Dem kil di badi, bot Gad mek im liv agen iina di Spirit.

2 Korintiyan 5:15

Jiizas ded fi aal a wi so dat di wan dem we did jos a liv fi mek demself api wuda chienj dem laif an staat liv dem laif fi mek im api — di wan we did ded an kom bak alaiv.

Ruoman 8:3

Wi aat so ful op a sin wi kudn fala aal we di Laa se an so di Laa kudn siev wi. Bot Gad du we di Laa kudn du. Gad tek im Bwai Pikni ton im iina wan man, gi im wan badi siem laik fi wi uon we wuda waahn fi sin, an sen im kom a ort fi ded fi wi sin dem.

Ruoman 6:11

A siem so unu mos luk pan unuself, wen it kom tu sin, a laik unu ded, sin naa no powa uova unu. An kaaz unu an Krais Jiizas a wan, di laif unu a liv nou, unu a liv fi sorv Gad.

Luuk 20:38

Im a no Gad fi di ded, bot fi uu a liv; kaaz fi Gad, di uol a dem alaiv.”

Ruoman 6:9

Wi nuo dat sins Gad mek Krais Jiizas kom bak alaiv im naa go kyan ded agen — det naa no powa uova im.