Ruoman 5:8 - Di Jamiekan Nyuu Testiment

⁸ Bot Gad shuo wi umoch im lov wi wen im sen Jiizas Krais fi ded fi wi, iivn duo wi a did sina.

Ruoman 5:8 ပူးပေါင်းရင်းမြစ်များ

Jan 15:13

Di bes wie sumadi kyan shuo se dem lov dem fren a fi gi op dem laif fi dem.

Jan 3:16

“Kaa, yu si, Gad lov di worl so moch dat im gi op im wan dege-dege Bwai Pikni, so enibadi we chos iina im naa go ded bot a-go liv fi eva.

Ruoman 5:6

Wen wi did wiik an neva av di powa fi elp wiself, Gad sen Jiizas fi ded fi wi — fi ded fi aal wikid piipl. Gad sen im wen im did fiil se di taim did rait.

1 Piita 3:18

Kaaz Krais Jiizas sofa an ded fi di uol a wi sin wans an faraal. Wan man we du onggl wa rait, ded fi aal a uu a sina, fi bring wi tu Gad. Dem kil di badi, bot Gad mek im liv agen iina di Spirit.

1 Jan 3:16

A so wi kom fi nuo riil lov, kaaz Jiizas ded fi wi an a siem wie wi fi mek op wi main fi ded fi wi breda an wi sista dem.

Ifiijan 2:7

Gad du aal a dis ya, so dat iina di worl we a-go kom, im kyan shuo evribadi ou im lov wi iivn duo wi no dizorv it an kain tu aal a wi siek-a wa Krais Jiizas du fi wi.

Ruoman 4:25

Gad sen Jiizas fi ded siek-a fi wi sin dem an Gad mek im kom bak alaiv so dat tingz kyan rait bitwiin wi an Gad.

1 Timoti 1:16

Gad did gud tu mi so Jiizas Krais kuda shuo ou im tek taim wid piipl. Jiizas put op wid sumadi laka mi, so ada piipl we a-go biliiv iina im an get fi liv fi eva an eva, wi si se im riili riili tek taim wid piipl.

Ruoman 5:20

Nou Gad sen di Laa so dat piipl wuda nuo se wa dem a du a sin. Bot wen piipl staat fi sin muor an muor, iivn duo wi neva dizorv it, Gad shuo dem lov muor an muor.

Ruoman 3:5

So wa ef wen wi du rang, piipl si klier klier se Gad aalwiez a du we rait? Wa wi kyan se bout dat? Unu tingk wi kyan se Gad a du rang wen im ponish wi? (Mi jos a taak ou som piipl taak)

Ruoman 5:7

(Tingk bout it! Iivn ef sumadi did a du evriting we di Laa se, it wuda aad fi fain sumadi we wuda ded fi dem, bot yu mait-a fain sumadi we briev inof fi ded fi sumadi we aalwiez du gud fi ada piipl.)

Ruoman 8:32

Gad neva tap im uona Bwai Pikni fram sofa. Im gi im op an sen im fi ded fi wi. Nou ef Gad gi op im Bwai Pikni fi wi, unu no tingk im wi muor dan gi wi evriting els?

Ruoman 8:39

Mi nuo fi shuor se, notn we de wie op iina di skai ar we de anda di ort kyan mek im tap lov wi. Az a matarafak, notn we Gad mek, notn at aal kyan tek we di lov we kom fram Gad an we Krais Jiizas shuo wi.

Gyalieshan 2:20

An a no mi a liv no muor bot a Krais Jiizas a liv iina mi. Nou mi liv kaaz mi chos iina Gad Bwai Pikni — di wan we lov mi an we ded fi mi.

Ifiijan 5:2

Lov unu wan aneda, jos laik ou Krais Jiizas lov unu. Im gi op im laif fi wi laik wan swiit sakrifais we dem bon pan alta gi Gad.

Iibruu 8:3

Evri liida fi priis afi gi aafrin plos bon sakrifais gi Gad. So da wan ya did afi av sopm fi gi Gad tu.