Ruoman 5:6 - Di Jamiekan Nyuu Testiment

⁶ Wen wi did wiik an neva av di powa fi elp wiself, Gad sen Jiizas fi ded fi wi — fi ded fi aal wikid piipl. Gad sen im wen im did fiil se di taim did rait.

Ruoman 5:6 ပူးပေါင်းရင်းမြစ်များ

Ruoman 11:26

An so aal a di Izrel piipl a-go get siev, a siem so it rait dong iina Gad wod se: “Di wan we siev piipl a-go kom outa Zaiyan; An Jiekob fambili, di Izrel piipl, im a-go tek aal a di wikidnis outa dem aat.

Ruoman 4:25

Gad sen Jiizas fi ded siek-a fi wi sin dem an Gad mek im kom bak alaiv so dat tingz kyan rait bitwiin wi an Gad.

Ruoman 4:5

Bot ef sumadi no afi du notn fi Gad mek tingz rait bitwiin im an dem, ef aal dem afi du a chos iina Gad, Gad we tek we piipl sin an se dat dem kliin, no wan gif im a gi wi? A no sopm wi did afi wok fa.

Ruoman 5:10

Wi a did Gad enimi, an iivn duo wi a did im enimi, Gad sen Jiizas fi ded fi wi sin dem an im mek tingz rait bitwiin wi an im. So nou dat tingz rait bitwiin wi an Gad, wi kyan nuo fi shuor se Jiizas wi siev wi wen Gad kom fi joj di worl. Wi nuo se im wi siev wi kaaz im kom bak alaiv.

Ruoman 5:7

(Tingk bout it! Iivn ef sumadi did a du evriting we di Laa se, it wuda aad fi fain sumadi we wuda ded fi dem, bot yu mait-a fain sumadi we briev inof fi ded fi sumadi we aalwiez du gud fi ada piipl.)

Ruoman 5:8

Bot Gad shuo wi umoch im lov wi wen im sen Jiizas Krais fi ded fi wi, iivn duo wi a did sina.

Ruoman 8:32

Gad neva tap im uona Bwai Pikni fram sofa. Im gi im op an sen im fi ded fi wi. Nou ef Gad gi op im Bwai Pikni fi wi, unu no tingk im wi muor dan gi wi evriting els?

Ruoman 8:34

So den uu kyan joj di piipl we Gad pik an se dat dem gilti? Nobadi! Nobadi kyaahn du dat! Jiizas Krais we did ded an kom bak alaiv an uu sidong a Gad rait an, a taak tu Gad an a beg fi wi.

Gyalieshan 2:20

An a no mi a liv no muor bot a Krais Jiizas a liv iina mi. Nou mi liv kaaz mi chos iina Gad Bwai Pikni — di wan we lov mi an we ded fi mi.

Gyalieshan 4:4

Bot wen di taim we Gad set did kom, im sen im Bwai Pikni, Jiizas. Iivn duo im a did Gad pikni, Jiizas baan jos laik mi an yu. Im did av wan mada an im did afi fala di Laa tu.

Ifiijan 5:2

Lov unu wan aneda, jos laik ou Krais Jiizas lov unu. Im gi op im laif fi wi laik wan swiit sakrifais we dem bon pan alta gi Gad.

Koloshan 2:13

Wan taim unu did ded. Unu spirit did ded, an unu neehn kot we fram sin yet. So sin did stil av powa uova unu dem taim de. Bot Gad mek Krais Jiizas gi unu laif. Im paadn wi fi aal a wi sin dem.

1 Tesaluoniyan 5:9

Kaaz Gad neehn put wi ya, so im kuda mek wi sofa, bot im du wa im du so di Laad Jiizas Krais kuda siev wi.

1 Timoti 1:9

Wi andastan se di Laa neva mek fi gud piipl bot fi piipl we a kriminal an di wan dem we wudn fiil no wie ef dem brok di Laa. It mek fi piipl we no worship di chuu Gad an di sina dem, fi di wan we no fala no kain-a gad an di wan dem we kos Gad. Di Laa mek fi di mordara dem — aal di wan dem we wuda kil dem uona mada an faada.

Taitos 2:12

Di gud we im du fi wi, tiich wi ou fi ton we fram wikidnis an fi no lov di sitn dem we di worliyan dem waahn.

Iibruu 8:3

Evri liida fi priis afi gi aafrin plos bon sakrifais gi Gad. So da wan ya did afi av sopm fi gi Gad tu.

Iibruu 9:26

Ef a so, den Krais Jiizas wuda afi sofa uol iip a taim sins di worl mek. Bot nier di taim wen di worl a-go don nou, im gi op imself laik wan sakrifais, onggl wan taim, an dat kova evriting. Da wie de im kuda get rid a sin.

1 Piita 1:20

Gad did pik im fi du dis fram bifuo dis ya worl did mek an im shuo op iina di laas die dem fi unu uona gud.

2 Piita 3:7

An a Gad siem wod a kip di evn an di ort ya nou til jojment die wen im a-go bon dem op iina faiya an ponish di piipl dem we no bizniz wid wa im se.

Juud 1:15

Im a kom fi joj evribadi. Im gweehn ponish aal di wikid piipl dem fi aal di rang sitn dem we dem du gens Gad an fi aal di taim we dem kos im out.”

Juud 1:18

Dem did tel unu se iina di laas die dem, di taim wen di worl bout fi don, unu gweehn av som piipl we gweehn mek fon a Gad an im mesij an im piipl. Dem a-go liv onggl fi di wikid sitn dem we dem waahn.

Juud 1:4

Kaaz som man slip iina unu choch anda di kwaiyat. Dem man de maak fi get mash dong fram wie bak wen, an a dat mi a-go tel unu bout. Dem man de no av notn fi du wid Gad. Kaaz Gad lov piipl iivn duo dem no dizorv it, dem yuuz dat fi du aal kain-a wikidnis an ton gens Jiizas Krais, wi onggl maasta an Laad.