Ruoman 5:3 - Di Jamiekan Nyuu Testiment

³ Bot wi no jos api bout dat, wi api bout aal a di sitn dem we wi afi sofa chuu tu. Kaaz wi nuo se wen wi sofa chuu dem, wi wi get chrangga, an kaaz wi get chrangga wi kyan go chuu nof muor sopm an no gi op.

Ruoman 5:3 ပူးပေါင်းရင်းမြစ်များ

Luuk 21:19

Uu tan op chrang fi mi no mata wa, wi siev dem laif.

Aks 5:41

So di apasl dem lef di miitn wel api kaaz Gad did tingk dem gud inof fi mek dem sofa fi Jiizas Krais.

Ruoman 5:11

Pan tap a aal a dat, wi wel api. Wi api siek-a wa Gad yuuz wi Laad Jiizas Krais fi du. Gad yuuz Jiizas fi mek tingz rait bitwiin wi an im.

Ruoman 8:23

An a no jos dem a muon an a gruon, wi we av Gad Spirit a liv iina a wi, di Spirit we a di fos gif Gad gi wi, wi a muon an a gruon tu. Bot wi naa gruon out loud, wi a gruon insaida wiself. Wi a gruon kaaz wi a ded fi Gad frii wi fram da badi ya an gi wi wan nyuu wan an riili mek wi im pikni iina evri wie.

Ruoman 9:10

An a no jos dat, memba wa apm tu Ribeka tuu bwai pikni dem. Di tuu a dem a did Aizak pikni — Aizak fi wi faada faada go bak.

2 Korintiyan 4:17

Di likl chobl an di sofarieshan we wi a go chuu nou, naa go laas fi eva an dem a no notn wen yu tingk bout di nais nais sitn dem we Gad a-go gi wi, wen wi riich a evn.

2 Korintiyan 8:19

Dem no jos rispek im, bot di choch dem pik im fi go wid wi wen wi go a Judiya fi gi out aal a di sitn dem we dem kalek op an sen. Wi a kyari dem sitn ya go a Judiya, so dat Gad wi get di priez an fi shuo di piipl dem se wi wel waahn fi elp dem.

Ifiijan 3:13

So, mi a beg unu, no bada fiil bad an fiil laik se unu waahn fi gi op, siek-a ou mi a sofa. No du dat, kaaz wa mi a sofa a fi unu uona gud.

Filipiyan 1:29

Kaaz Gad so gud tu unu, im gi unu di chaans, no onggl fi biliiv iina Jiizas Krais bot fi sofa fi im tu.

Jiemz 1:12

Ef unu uol aan chrang an no gi op wen unu a go chuu chraiyal an kraasiz we kom fi tes unu, unu a-go wel api. Kaaz wen unu tes don, Gad gweehn gi unu di kroun a laif we im pramis fi gi evribadi we lov im.

1 Piita 3:14

Bot aal ef dem mek unu sofa kaaz unu a du wa rait — a bles unu bles! No fried a notn, an no wori unuself.