Ruoman 5:19 - Di Jamiekan Nyuu Testiment

¹⁹ So, kaaz wan man neva du we Gad se im fi du, sin kom iina di worl an siek-a dat evribadi a sina. A siem so, Gad mek tingz rait bitwiin im an piipl kaaz wan man did du we im tel im fi du.

Ruoman 5:19 ပူးပေါင်းရင်းမြစ်များ

Ruoman 11:32

Piipl neva waahn fi du wa Gad se dem fi du. So Gad lef dem fi du di sitn dem we dem waahn. Gad lef dem an mek di sitn dem we dem waahn fi du av dem laik prizna, so dat lieta im kuda gud an kain tu di uol a dem.

Ruoman 5:12

A wan man kaaz sin fi kom iina di worl, an a da man de sin kaaz im fi ded. An siem ou it go wid im a siem so it go wid evribadi — evribadi sin so evribadi a-go ded.

Ruoman 5:15

bot di tuu a dem did stil difrant. Adam sin an aal we apm siek-a da sin de difrant fram di gif we Gad did gi wi. Wa Adam did du kaaz sin fi kom iina di worl, an sin kaaz nof piipl fi ded. Di gif we Gad gi, moch moch biga dan dat an it riich nof muor piipl. Iivn duo wi neva dizorv it, Gad sen Jiizas fi ded fi wi sin dem so dat im kuda put tingz rait bitwiin wi an im.

Ruoman 5:18

So a wan man sin mek Gad joj piipl an se dat dem fi get ponish fi dem sin dem. A siem so a wan man — wan man we aalwiez du we rait, a im mek Gad put tingz rait wid piipl an mek dem liv fi eva an eva.

2 Korintiyan 5:21

Jiizas neva sin yet bot Gad put fi wi sin pan im, so dat wi kuda get kliin. Da wie de wen wi biliiv iina Jiizas, tingz wuda rait bitwiin wi an Gad.

Ifiijan 1:6

Im du aal dem sopm ya so dat wi wuda priez im fi ou im gud an kain tu wi. An im shuo wi ou im gud an kain tu wi wen im sen Jiizas tu wi.

Filipiyan 2:8

An wen im du dat, im ombl imself an du aal we Faada Gad did waahn im fi du — im aal gi op im laif pan di kraas.