Ruoman 5:12 - Di Jamiekan Nyuu Testiment

¹² A wan man kaaz sin fi kom iina di worl, an a da man de sin kaaz im fi ded. An siem ou it go wid im a siem so it go wid evribadi — evribadi sin so evribadi a-go ded.

Ruoman 5:12 ပူးပေါင်းရင်းမြစ်များ

Ruoman 3:23

Kaaz evribadi du rang — evribadi a sina. Gad did mek wi laik im an wi did fi tan laik im bot siek-a sin dat neehn apm.

Ruoman 5:18

So a wan man sin mek Gad joj piipl an se dat dem fi get ponish fi dem sin dem. A siem so a wan man — wan man we aalwiez du we rait, a im mek Gad put tingz rait wid piipl an mek dem liv fi eva an eva.

Ruoman 5:19

So, kaaz wan man neva du we Gad se im fi du, sin kom iina di worl an siek-a dat evribadi a sina. A siem so, Gad mek tingz rait bitwiin im an piipl kaaz wan man did du we im tel im fi du.

Ruoman 5:21

Im du dat, so dat, jos laik ou evribadi evriwe did a ded siek-a dem sin, a siem so Gad lov, iivn duo wi neva dizorv it, wuda kaaz piipl fi liv fi eva. Siek-a Gad lov an siek-a wa wi Laad Jiizas Krais du, Gad put tingz rait bitwiin im an piipl an mek dem liv fi eva an eva.

Ruoman 6:21

An wa unu did get fram ou unu did a liv? Di sitn dem we unu did du an we unu shiem bout nou, wa unu did get fram dem? Di onggl ting dem sitn de du, a kaaz piipl fi ded.

Ruoman 6:23

So aal sin du a kaaz piipl fi ded. So ef sin a yu maasta dat a aal yu a-go get. Bot wa Gad gi wi, im gi wi fi frii — a wan gif. Wen wi biliiv iina wi Laad Jiizas Krais, wen wi an im ton wan, Gad mek wi liv fi eva an eva.

1 Korintiyan 15:56

Sin a wa gi det di powa fi ort piipl an sin get fi it powa fram di laa.

Ifiijan 2:3

Matarafak, aal a wi yuus fi liv laka dat wan taim. Wi did a liv onggl fi wa wi badi waahn an fi di rang sitn dem wa wi main tel wi fi du. Wi did komiin jos laik evribadi els we fi get joj an ponish fi dem sin.

Jiemz 1:15

Afta dem don plan, di wikid sitn dem tek kanchuol a dem an mek dem sin. An wen sin don wid dem, it kil dem.

Jiemz 3:2

Aal a wi du rang sitn nof taim. Bot ef sumadi neva se notn rang yet dem no av no sin at aal. Kaaz ef nobadi kyan kanchuol dem tong dem kyan kanchuol dem uol badi tu.