Ruoman 5:11 - Di Jamiekan Nyuu Testiment

¹¹ Pan tap a aal a dat, wi wel api. Wi api siek-a wa Gad yuuz wi Laad Jiizas Krais fi du. Gad yuuz Jiizas fi mek tingz rait bitwiin wi an im.

Ruoman 5:11 ပူးပေါင်းရင်းမြစ်များ

Luuk 1:46

Mieri se: “Mi priez di Laad wid aal mi aat,

Jan 1:12

Bot az fi aal a dem we welkom im — dat fi se, dem we chos iina im an im niem, im gi dem di rait fi ton Gad pikni.

Ruoman 11:15

Kaaz ef wen Gad did ton we fram dem, im mek it so dat di piipl iina di worl kuda ton im pikni, wa unu tingk a-go apm wen im tek dem bak? Wen Gad tek bak di Juu dem fi bi im piipl, it a-go komiin laik se dem did ded an im mek dem kom bak alaiv.

Ruoman 2:17

So nou, wa bout unu? Unu se unu a Juu, unu put unu chos iina di Laa an buos bout ou unu bilang tu Gad.

Ruoman 5:1

Gad put tingz rait bitwiin wi an im, kaaz wi biliiv iina im. An siek-a wa wi Laad Jiizas Krais did du, wi an Gad a liv iina piis.

Ruoman 5:10

Wi a did Gad enimi, an iivn duo wi a did im enimi, Gad sen Jiizas fi ded fi wi sin dem an im mek tingz rait bitwiin wi an im. So nou dat tingz rait bitwiin wi an Gad, wi kyan nuo fi shuor se Jiizas wi siev wi wen Gad kom fi joj di worl. Wi nuo se im wi siev wi kaaz im kom bak alaiv.

Ruoman 5:3

Bot wi no jos api bout dat, wi api bout aal a di sitn dem we wi afi sofa chuu tu. Kaaz wi nuo se wen wi sofa chuu dem, wi wi get chrangga, an kaaz wi get chrangga wi kyan go chuu nof muor sopm an no gi op.

Ruoman 8:23

An a no jos dem a muon an a gruon, wi we av Gad Spirit a liv iina a wi, di Spirit we a di fos gif Gad gi wi, wi a muon an a gruon tu. Bot wi naa gruon out loud, wi a gruon insaida wiself. Wi a gruon kaaz wi a ded fi Gad frii wi fram da badi ya an gi wi wan nyuu wan an riili mek wi im pikni iina evri wie.

Ruoman 9:10

An a no jos dat, memba wa apm tu Ribeka tuu bwai pikni dem. Di tuu a dem a did Aizak pikni — Aizak fi wi faada faada go bak.

1 Korintiyan 10:16

Di kop we wi yuuz wen wi av Laad sopa an we wi gi Gad tangks fa: wen wi jringk fram it wi naa tek paat iina wa Jiizas Krais did du fi wi wen im blod bliid out pan di kraas? An wen wi brok di bred a no tek wi a tek paat iina im badi tu?

2 Korintiyan 8:19

Dem no jos rispek im, bot di choch dem pik im fi go wid wi wen wi go a Judiya fi gi out aal a di sitn dem we dem kalek op an sen. Wi a kyari dem sitn ya go a Judiya, so dat Gad wi get di priez an fi shuo di piipl dem se wi wel waahn fi elp dem.

Gyalieshan 4:9

Bot nou unu an Gad kluos — mi riili shuda se nou Gad mek it so unu an im kyan kluos — ou unu kyan ton unu bak pan im an a go bak go fala di wiik spirit dem we a ruul di worl an we naa no powa? Unu waahn go bak go ton dem sliev agen?

Gyalieshan 5:22

Bot Gad Spirit kaaz fi im piipl fi lov evribadi an aalwiez api no mata wa. It kaaz dem fi liv gud wid piipl, no fi lov fait an fi aalwiez tek taim wid ada piipl. Di Spirit mek dem kain an mek dem eva a du gud fi piipl. It kaaz dem fi bi sumadi we piipl kyan chos.

Filipiyan 3:1

Mi breda an sista, dem ya a di laas sitn dem we mi av fi se. Mi prie se Krais Jiizas wi mek unu wel api. A no notn fi mi rait tu unu bout di siem sitn dem uova an uova agen. Matarafak, dem wi elp kip unu sief tu.

Filipiyan 3:3

Bot a wi a di piipl we riili get sorkomsaiz — no dem. Wi a di wan we worship Gad iina di Spirit, priez Krais Jiizas, an no buos aaf bout uu wi bi.

Filipiyan 4:4

Unu fi eva api, kaaz unu an di Laad a wan! Mi a se it agen, unu fi api!

Koloshan 2:6

Sins unu tek Krais Jiizas fi unu Laad, unu fi liv laik sumadi we kluos tu im.

1 Piita 1:8

Unu neva si Jiizas yet, bot unu lov im siem wie; an iivn duo unu kyaahn si im nou wid unu yai dem, unu stil biliiv an chos iina im. An no wod no de we kyan mek piipl riili nuo ou glad an api unu bi!