Ruoman 4:9 - Di Jamiekan Nyuu Testiment

⁹ A onggl di piipl dem we sorkomsaiz Dievid did a taak bout? A dem wan Gad a-go paadn an mek api? Nuo, im did a taak bout di piipl we no sorkomsaiz tu. Wi se dat Iebriyam did biliiv iina Gad an so Gad mek tingz rait bitwiin im an Iebriyam.

Ruoman 4:9 ပူးပေါင်းရင်းမြစ်များ

Luuk 2:32

im a di lait we a-go mek piipl we a no Juu nuo yu wiez an bring nof rispek tu yu piipl Izrel.”

Ruoman 4:10

A wen unu tingk Gad did du dat? Unu tingk im du it bifuo ar afta Iebriyam get sorkomsaiz? Gad did mek tingz rait bitwiin im an Iebriyam bifuo Iebriyam did sorkomsaiz.

Ruoman 4:3

Bot a wa Gad wod se? It se “Iebriyam did biliiv iina Gad an so Gad mek tingz rait bitwiin im an Iebriyam.”

Gyalieshan 3:14

Jiizas ded fi wi so dat di piipl dem we a no Juu an we biliiv iina im kyan get bles siem laik ou Gad did bles Iebriyam. Im du it tu so dat wen wi chos iina im wi kyan get di Spirit we Gad pramis fi gi wi.

Ifiijan 3:8

Iivn duo mi no impuotant laik di res a Gad piipl dem, Gad shuo mi lov iivn duo mi no dizorv it an pik mi fi priich tu di piipl dem we a no Juu an fi tel dem bout di nais sitn dem we Krais Jiizas gi im piipl. Dem sitn de so big dat nobadi kyaahn figa dem out.

Koloshan 3:11

Siek-a dat, wi no av Juu piipl difrant fram piipl we a no Juu. Wi no av piipl we sorkomsaiz difrant fram di wan dem we no sorkomsaiz. Wi no kaal nobadi wail, farina piipl, an wi no av sliev difrant fram piipl we frii. Kaaz rait ya nou, Krais Jiizas a aal wi bizniz bout, an im iina aal a wi we a liv da nyuu laif ya.