Ruoman 4:2 - Di Jamiekan Nyuu Testiment

² Ef Gad did mek tingz rait bitwiin im an Iebriyam, kaaz a di sitn dem we Iebriyam did du, den Iebriyam wuda av nof fi buos bout, bot im kudn buos infronta Gad.

Ruoman 4:2 ပူးပေါင်းရင်းမြစ်များ

1 Korintiyan 1:31

So, mek wi fala wa rait dong iina Gad wod, “Ef nobadi a-go buos bout notn, mek dem buos bout wa di Laad du fi dem.”

2 Korintiyan 11:30

Sins mi afi brag an buos, mi wi brag an buos bout di sitn dem we shuo se mi wiik.

Filipiyan 3:9

Mi waahn Jiizas fi tek ful kanchuol a mi — badi an suol. Mi naa dipen pan notn we di Laa se, ar we mi kyan du fi mek miself rait iina Gad yai. Mi a dipen pan di rait sitn dem we Jiizas du, kaaz fi get rait iina Gad yai yu afi dipen onggl pan wa Jiizas du.

Ifiijan 2:9

Nobadi kyaahn brag an buos se Gad siev dem siek-a wa dem du.

Gyalieshan 3:22

Bot a no so it go. Iina Gad wod it rait dong se, sin av powa uova evribadi iina di worl, it komiin laik se wi iina prizn. An so Gad pramis fi siev wi an mek wi liv fi eva ef wi biliiv iina Jiizas Krais.

1 Korintiyan 9:16

Mi kyaahn buos bout di fak se mi a priich di Gud Nyuuz kaaz a Gad aada mi fi du dat. An ef mi no priich di Gud Nyuuz, Gad wuda ponish mi.

1 Korintiyan 1:29

Im du dat, so nobadi kyan kom tu im a buos bout ou dem waiz an ou dem impuotant.

2 Korintiyan 5:12

Wi naa tel unu dem sopm ya fi mek wiself luk gud, wi a tel unu so dat unu wi fiil gud bout wi an kyan buos bout wi tu di wan dem we no bizniz bout wa iina piipl aat, bot onggl bizniz wid wa dem kyan si.

Ruoman 15:17

So kaaz mi an Krais Jiizas a wan, mi kyan proud a di wok we mi a du fi Gad.

2 Korintiyan 11:12

Mi neva presha unu fi notn an mi naa go presha unu fi notn. Mi naa du it so dat di piipl dem we wuda waahn fi buos se dem a wok siem laik mi, naa go av no chaans fi se so.

1 Korintiyan 4:7

Kaaz a uu mek unu beta dan enibadi els? Wa unu av we a no get unu get it? An ef a get unu get it, mek unu a buos laik se a no get unu did get it?