Ruoman 4:14 - Di Jamiekan Nyuu Testiment

¹⁴ Ef a onggl di piipl we a fala di Laa a-go get di sitn dem wa Gad pramis, den it no mek no sens fi wi chos iina Gad an aal a di pramis dem we Gad mek no miin notn.

Ruoman 4:14 ပူးပေါင်းရင်းမြစ်များ

Filipiyan 3:9

Mi waahn Jiizas fi tek ful kanchuol a mi — badi an suol. Mi naa dipen pan notn we di Laa se, ar we mi kyan du fi mek miself rait iina Gad yai. Mi a dipen pan di rait sitn dem we Jiizas du, kaaz fi get rait iina Gad yai yu afi dipen onggl pan wa Jiizas du.

Iibruu 7:28

Di Laa gi piipl we wiik, an we wi du rang, pozishan fi ton di liida fi priis. Bot di pramis we Gad mek, we kom afta di laa, da pramis de mek di Bwai Pikni liida fi di priis dem. An im ton di wan we kyan du evriting we im sopuoz fi du fi eva.

Iibruu 7:19

Kaaz di laa kudn mek notn ton aal we it fi ton. Bot nou Gad gi wi sitn beta fi luk faawod tu an dat bring wi kluos tu im.

Gyalieshan 2:21

Mi naa go ton mi bak pan Gad lov an ou kain im bi tu mi, kaaz ef sumadi kyan onggl mek tingz rait wid Gad ef im fala di Laa, den Krais Jiizas ded fi notn.

Ruoman 4:16

A dat mek Gad neva mek im pramis bies pan weda piipl fala ar no fala di Laa, bot bies pan weda dem chos ar no chos iina im. Gad mek it da wie de so dat piipl wuda nuo se di sitn dem we im pramis a fi im frii gif tu aal a Iebriyam pikni dem. No jos di pikni dem we a fala di Laa bot tu di wan dem we biliiv laik Iebriyam tu. Iebriyam a di faada fi evribadi.

Ruoman 3:31

So wa dat miin fi di Laa? Ef Gad onggl mek tingz rait bitwiin im an piipl wen dem biliiv, dat miin se di Laa no wot notn? Nuo notn no go so! Wen wi biliiv iina Gad wi a shuo se di Laa riili wot sopm, a da taim de wi riili a fala di Laa.

Gyalieshan 5:4

Yu si di wan dem we gaan bak gaan fala di Laa an tingk se dat a-go mek tingz rait bitwiin dem an Gad — dem kot aaf demself fram Krais Jiizas. Unu a mek it so dat Gad naa go kyan gud an kain tu unu.

1 Korintiyan 1:13

Krais Jiizas, fi im badi kot op kot op iina piis? A uu ded pan di kraas fi unu? Paal? A uufa niem dem baptaiz unu iina? Paal?