Ruoman 4:12 - Di Jamiekan Nyuu Testiment

¹² An a no jos dem piipl de im a faada fa, Iebriyam a faada tu fi di piipl dem we sorkomsaiz an we biliiv iina Gad laik ou Iebriyam did biliiv iina Gad bifuo im get sorkomsaiz.

Ruoman 4:12 ပူးပေါင်းရင်းမြစ်များ

Matyu 3:9

An no bada se dis an tingk se unu sief: ‘A Iebriyam a wi faada.’ Mek mi tel unu sopm, Gad kyan mek pikni fi Iebriyam outa dem rakstuon ya ef im waahn!

Ruoman 4:11

An a lang afta dat apm Iebriyam go get sorkomsaiz. Im go get sorkomsaiz fi shuo se Gad did mek tingz rait bitwiin di tuu a dem iivn duo im neva sorkomsaiz, an Gad did du it kaaz Iebriyam did biliiv iina im. So Iebriyam komiin laik di faada fi aal a di piipl dem we neva get sorkomsaiz bot uu Gad mek tingz rait bitwiin im an dem kaaz dem biliiv iina im.

Ruoman 4:13

Gad did pramis Iebriyam se di worl wuda bilang tu im an im pikni dem. Gad neva mek im da pramis de kaaz im did a fala di Laa, bot kaaz Iebriyam did biliiv iina Gad an Gad did mek tingz rait bitwiin di tuu a dem.

2 Korintiyan 12:18

A mi push Taitos fi kom luk fi unu, an mi did sen wan neda breda we unu nuo wid im. Taitos did tek advaantij a unu? Di tuu a wi neva did a du di siem ting? Di tuu a wi neva did a gwaan di siem wie an a wok fi di siem riizn?

1 Piita 2:21

A dis Gad kaal unu fi du yu no. Krais Jiizas imself sofa fi unu, an shuo unu ou fi bier di sofarieshan. Unu fi du laik im; fala iina im fut step dem.