Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ruoman 3:4 - Di Jamiekan Nyuu Testiment

4 Notn kyaahn go so! Gad wi aalwiez du wa im se im a-go du, iivn wen piipl lai an se dem du wa dem did pramis fi du. It aal rait dong iina Gad wod se: “Evritaim Gad taak, piipl wi si se wa im a se a chuu sopm. No mata wa piipl se gens Gad, a Gad a-go win.”

အခန်းကိုကြည့်ပါ။ ကော်ပီ




Ruoman 3:4
33 ပူးပေါင်းရင်းမြစ်များ  

Di Man we Gad Pik kom a nyam an a jringk, an dem se, ‘Luk ya, da man ya krievn an im a jongkad. Fi im fren dem a taks kalekta an sina!’ Di piipl we fala di rait wie pruuv se Gad waiz an im wie rait.”


Im a-go kom an kil aaf di tenant dem an tek di faam gi ada piipl.” Wen di piipl dem ier dis, dem se, “Wi uop se dis wi neva apm!”


Di sumadi we tek iin an fala wa im se shuo klier klier se wa Gad se a chuu sitn.


So den mek mi aks unu sopm, unu tingk se a waahn Gad no waahn im piipl no muor? No sa! Notn no go so! Kaaz mi a wan Izrelait tu, mi a wan a Iebriyam fambili an mi kom fram Benjamin chraib.


So mek mi aks unu dis: wen di Juu dem did faal dong, unu tingk se dem did jrap so faar dat dem kudn kom bak? Nuo sa, notn no go so! Bot kaaz dem did sin, Gad mek it so dat di piipl dem we a no Juu kuda get siev, an im du dat fi mek di Izrel piipl dem jelos.


So wa dat miin fi di Laa? Ef Gad onggl mek tingz rait bitwiin im an piipl wen dem biliiv, dat miin se di Laa no wot notn? Nuo notn no go so! Wen wi biliiv iina Gad wi a shuo se di Laa riili wot sopm, a da taim de wi riili a fala di Laa.


Di Laa kyaahn siev wi, so wi no afi fala it. Wi get siev kaaz Gad shuo wi lov iivn duo wi neva dizorv it. So den wa unu tingk dat miin? Unu tingk it miin se wi kyan gwaan liv iina sin? Nuo sa! Notn kyaahn go so!


Nuo sa, notn kyaahn go so! Wen it kom tu sin, a laik a ded wi ded, sin naa no powa uova wi. So ou wi, wi we sin naa no powa uova, ou wi fi a stil liv iina sin?


So wa unu tingk mi a se? Unu tingk mi a se di Laa we gud, se a it kaaz mi fi ded? Nuo sa! Notn kyaahn go so! A sin kil mi. An sin shuo wi uu im riili bi wen im tek di Laa, sopm we gud, an yuuz it fi kil mi. So di Laa, it elp wi fi riili si ou torbl sin bi.


So den wa wi kyan se? Unu tingk wi kyan se di Laa a sin? Unu tingk wi kyan se it rang? Nuo! Notn kyaahn go so! Ef a neva fi di Laa mi wudn iivn nuo wa sin bi! Mi wudn nuo wa it miin fi red yai ef di Laa neva se, “Unu no fi red yai.”


So den wa unu tingk bout dat? Unu tingk wi kyan se dat Gad no fier? Nuo Sa! Notn kyaahn go so!


Unu no nuo se fi unu badi a paat a Krais Jiizas badi. So den, mi fi tek di piipl dem we mek op im badi an mek dem go sliip wid uman we sel ar badi fi moni — an mek dem ton paat a fi ar badi? Nuo sa!


Wi kyan chos Gad, im no lai, an im a wi witnis kaaz wi neva tel unu “yes” an den likl afta dat tel unu “nuo.”


Nou ef wen taim wi a mek tingz rait wid Gad, som a di Juu dem se wi a sina chuu wi naa fala di Laa — unu tingk dat miin se Krais Jiizas a kaaz wi fi sin? Nuo sa!


Mi naa go ton mi bak pan Gad lov an ou kain im bi tu mi, kaaz ef sumadi kyan onggl mek tingz rait wid Gad ef im fala di Laa, den Krais Jiizas ded fi notn.


Mi uop se mi wi onggl buos bout ou Jiizas ded pan di kraas fi mi an ou siek-a im, mi no liv laik ou di res a piipl iina di worl liv — mi ded tu di worl an di worl ded tu mi. Mi uop se mi neva eva buos bout notn els bot dat.


Aal a wi nuo fi shuor se di uol a di sitn dem we Gad shuo wi, we jos big an powaful, a chuu. A chuu se: Jiizas baan a ort laik wan man. Di Uoli Spirit pruuv se Gad did tek im fi im Pikni an di ienjel dem did si im. Piipl priich tu evribadi bout im, evribadi put dem chos iina im an Gad tek im op iina evn.


An wen dem andastan Gad wod it wi gi dem sopm fi luk faawod tu. Dem wi luk fi si an nuo fi shuor se Gad wi mek dem liv fi eva. Kaaz lang bifuo di worl did mek Gad pramis fi mek wi liv fi eva, an Gad no lai.


Gad du tuu sitn we kyaahn chienj, kaaz wi nuo se Gad kyaahn lai. Im du dem tuu sitn de, so wi we ron tu im fi kip sief, wi wi fiil laik wi kyan uol aan chrang kaaz wi nuo fi shuor se wi a-go get di sitn dem we im pramis fi gi wi.


Enibadi we biliiv iina Gad pikni nuo iina dem aat se wa Gad se a chuu. Bot enibadi we no biliiv Gad, tek im fi wan laiyad, kaaz dem no biliiv we Gad se bout im pikni.


Wi nuo se Jiizas Krais, Gad Bwai Pikni kom an shuo wi di riil Gad. Siek-a Jiizas, wi bilang tu Gad nou — di riil Gad we mek piipl liv fi eva an eva.


Im se tu mi agen se, “Rait da leta ya go gi di liida fi di choch we iina Filidelfiya an tel im se: Da mesij ya a kom fram di wan we uoli an we aalwiez du we Gad waahn im fi du. A im av King Dievid kii we shuo se im av di powa fi ruul. Wa im uopm nobadi kyaahn shot, an wa im shot nobadi kyaahn uopm.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ