Ruoman 3:24 - Di Jamiekan Nyuu Testiment

²⁴ Bot iivn duo wi no dizorv it, Gad shuo wi lov. So moch so dat im mek tingz rait bitwiin wi an im, an wi neva iivn afi du notn. Im sen Jiizas Krais fi ded fi wi an tek we wi sin dem.

Ruoman 3:24 ပူးပေါင်းရင်းမြစ်များ

Matyu 20:28

A so it fi go, jos laik ou di Man we Gad Pik neehn kom ya fi nobadi sorv im; a kom im kom ya fi sorv piipl an fi gi op im laif so piipl kyan get frii fram dem sin.”

Aks 15:11

Nuo man! Wi biliiv a chuu wi Laad Jiizas lov wi iivn duo wi no dizorv it wai im siev wi jos laik ou im siev dem.”

Ruoman 4:16

A dat mek Gad neva mek im pramis bies pan weda piipl fala ar no fala di Laa, bot bies pan weda dem chos ar no chos iina im. Gad mek it da wie de so dat piipl wuda nuo se di sitn dem we im pramis a fi im frii gif tu aal a Iebriyam pikni dem. No jos di pikni dem we a fala di Laa bot tu di wan dem we biliiv laik Iebriyam tu. Iebriyam a di faada fi evribadi.

Ruoman 4:4

Nou ef sumadi go du wan wok, di moni we dem get wen dem don, dem naa go luk pan it an se a wan prezent. Nuo, dem a-go se a dat dem wok fa.

Ruoman 5:9

Jiizas ded fi wi sin dem, an so Gad put tingz rait bitwiin wi an im. An sins wi nuo se Jiizas did du dat wi nuo tu se im wi siev wi wen Gad kom fi joj di worl.

1 Korintiyan 1:30

A Gad kaaz unu fi kluos wid Jiizas Krais. An a Jiizas mek wi kyan nuo Gad an kyan andastan sortn tingz — Gad mek wi waiz wen wi kluos wid Jiizas. An chuu wi kluos wid Jiizas, Gad tek we aal a wi sin an mek tingz rait bitwiin wi an im. An so wi a im pikni nou.

1 Korintiyan 6:11

An a dem de kain-a piipl som a unu yuus tu bi. Bot Gad did wash unu an mek unu kliin. Im sen im Uoli Spirit fi taak tu unu aat so dat unu an wi Laad Jiizas Krais kuda ton wan. An wen unu ton wan, im tek we unu sin.

Koloshan 1:14

an we paadn wi sin dem an mek wi go frii.

1 Timoti 2:6

Jiizas gi op im laif so dat im kuda bai bak evribadi an frii dem fram sin. Wen Jiizas ded, im shuo se Gad did av wan plan fi siev piipl bot iina fi im uona taim.

Taitos 2:14

Im a di wan we gi op im laif fi siev wi fram aal kain-a wikidnis an mek wi kliin so wi kuda bi im piipl; piipl we eva a chrai fi du gud.

Revilieshan 5:9

An dem sing wan nyuu sang: “Yu gud inof fi tek di ruol op buk an fi bos aaf di chring dem, kaaz yu did get kil. An yu tek yu blod bai piipl fi Gad fram evri chraib an langwij an piipl an konchri.

Revilieshan 7:14

Mi ansa im se, “Sa, yu nuo di ansa.” Den im se, “Yu si dem piipl ya, dem a di wan dem we go chuu di torbl torbl sofarieshan. Dem wash dem kluoz wait wait iina di Biebi Shiip blod.