Ruoman 3:19 - Di Jamiekan Nyuu Testiment

¹⁹ Nou wi nuo se evriting we rait dong iina di Laa a fi di piipl we a fala di Laa. Gad gi dem di Laa so dat nobadi kyan se notn wen im kom fi ponish dem — nobadi kyan se dem neva nuo rait fram rang. So Gad a-go ponish evribadi we de iina di worl, weda dem a Juu ar dem a no Juu.

Ruoman 3:19 ပူးပေါင်းရင်းမြစ်များ

Jan 15:25

Bot dis ya apm so dat wa rait dong iina Gad wod wuda kom chuu. It se, ‘Dem iet mi fi notn at aal.’

Jan 8:9

Wen dem ier we Jiizas se, dem lef go we wan afta di ada. Di uolis wan dem go we fos, an dem gwaan lef til a Jiizas wan did tan op de wid di uman.

Ruoman 1:20

Nobadi kyan si Gad bot dem kyan nuo bout im. Fram Gad mek di worl, im a shuo piipl a uu im bi. Wen yu luk pan di sitn dem we im mek, yu kyan nuo se a im a riili Gad an dat a im a-go av aal di powa fi eva an eva. So nobadi kyaahn se dem neva nuo bout im.

Ruoman 3:2

An mi wuda tel dem se it gud fi bi wan Juu, a nof difrant sitn wi get, we elp wi iina nof difrant wie. Fos, a wi Gad did gi im Wod tu — a wi im chos wid im mesij.

Ruoman 3:23

Kaaz evribadi du rang — evribadi a sina. Gad did mek wi laik im an wi did fi tan laik im bot siek-a sin dat neehn apm.

Ruoman 3:4

Notn kyaahn go so! Gad wi aalwiez du wa im se im a-go du, iivn wen piipl lai an se dem du wa dem did pramis fi du. It aal rait dong iina Gad wod se: “Evritaim Gad taak, piipl wi si se wa im a se a chuu sopm. No mata wa piipl se gens Gad, a Gad a-go win.”

Ruoman 3:9

So wa? Unu tingk se wi we a Juu beta aaf dan di piipl dem we a no Juu? Nuo sa! Kaaz mi don shuo unu aredi se evribadi, weda dem a Juu ar dem a no Juu, sin kanchuol dem laif — evribadi a sina.

1 Korintiyan 1:29

Im du dat, so nobadi kyan kom tu im a buos bout ou dem waiz an ou dem impuotant.

Gyalieshan 3:10

Gad a-go ponish di piipl dem we a fala di Laa an tingk se dat a-go siev dem. Kaaz nobadi kyaahn fala aal a di Laa dem an it rait dong iina Gad wod se, “Enibadi we no fala aal a di Laa dem, Gad a-go ponish dem.”

Gyalieshan 4:21

Tel mi sopm, aal a unu we waahn fi fala di Laa an mek it kanchuol unu, unu no andastan wa di Laa a se?

Gyalieshan 4:5

Gad sen im Bwai Pikni fi frii aal a wi we a did sliev tu di Laa so dat di uol a wi kuda ton Gad pikni.

Gyalieshan 5:18

Bot ef Gad Spirit liid unu, di Laa naa no powa uova unu.