Ruoman 2:6 - Di Jamiekan Nyuu Testiment

⁶ Gad “wi gi evribadi wa dem fi get — im wi pie dem bies pan wa dem du.”

Ruoman 2:6 ပူးပေါင်းရင်းမြစ်များ

Matyu 16:27

Kaaz di Man we Gad Pik a-go kom wid im ienjel dem an im a-go av powa we kom fram im Faada. Im a-go gi evribadi wa dem fi get bies pan di sitn dem we dem du.

Ruoman 14:22

So den wen it kom tu dem sitn ya, kip wa yu biliiv bitwiin yu an Gad. Di piipl we kyan du wa dem biliiv rait an no wanda at aal ef wa dem a du rang ar fiil gilti bout we dem a du, a dem riili api.

1 Korintiyan 3:8

Nou di wan we plaant an di wan we waata, di tuu a dem a wok tugeda kaaz dem waahn di siem sitn fi apm. An di tuu a dem a-go get pie bies pan we dem du.

1 Korintiyan 4:5

So no bada joj nobadi til di taim rait. Wiet til di Laad kom. Aal a di rang sitn dem we piipl du an chrai fi aid, im wi mek evribadi nuo bout dem an im wi shuo wa riili de iina piipl aat. An den Gad wi big op di wan dem we du di wok we im gi dem an we du it gud.

2 Korintiyan 11:15

So den it no fi sopraiz nobadi se fi im sorvant dem a chrai fi chrik piipl tu an gwaan laik se di wok we dem a du a gud sopm. Bot di die gweehn kom wen dem a-go get aal we dem a wok fa.

2 Korintiyan 5:10

Kaaz aal a wi a-go afi tan op infronta Krais Jiizas, an im a-go joj wi. An weda gud ar bad, im a-go pie bak evri wan a wi fi di sitn dem we wi du wen wi did de pan ort.

2 Timoti 4:14

Aligzanda, di wan we wok wid metal, du nof wikid sitn tu mi. Gad a-go pie im bak fi aal we im du.

Revilieshan 2:23

Mi a-go kil aaf ar falara dem. Den aal a di choch dem wi fain out se a mi a di wan we sorch out evribadi main an aat. An fi aal we unu a du, mi a-go pie unu bak wa unu fi get.

Revilieshan 20:12

An mi si ded piipl, piipl we mata an piipl we no mata, tan op infronta di chuon, an som buk did uopm op. An wan neda buk did uopm op tu, di buk we Gad rait dong di niem a di piipl dem we a-go get fi liv fi eva. Di ded piipl dem get joj bies pan wa dem did du. An wa dem did du did rait dong iina di buk dem.

Revilieshan 22:12

“Lisn, aal a unu, mi suun kom! An wen mi kom mi a-go ponish di piipl dem we du rang, an mi a-go gi di piipl dem we a liv rait wa mi did se mi wuda gi dem. Evribadi a-go get wa dem fi get bies pan wa dem du.