Ruoman 2:28 - Di Jamiekan Nyuu Testiment

²⁸ No chuu sumadi sorkomsaiz an a liv laik wan Juu miin se dem a riili wan Juu.

Ruoman 2:28 ပူးပေါင်းရင်းမြစ်များ

Gyalieshan 6:15

A no notn ef yu sorkomsaiz ar yu no sorkomsaiz; di onggl ting we mata a se Gad tek yu an ton yu iina wan nyuu sumadi.

Matyu 3:9

An no bada se dis an tingk se unu sief: ‘A Iebriyam a wi faada.’ Mek mi tel unu sopm, Gad kyan mek pikni fi Iebriyam outa dem rakstuon ya ef im waahn!

Revilieshan 2:9

Mi nuo bout aal a unu sofarieshan an ou unu puor — bot unu riili rich. An di piipl dem we se dem a Juu bot dem a no Juu, mi nuo ou dem a tel aal saat a lai an a chat bad bout unu. Dem a wan gruup a piipl we bilang tu Sietan.

1 Piita 3:21

Dem flod waata de komiin laik baptizam we siev wi ya nou. Baptizam a no fi wash aaf wi badi. Wen wi baptaiz, it miin se wi kanchens klier klier an wi mek wan pramis tu Gad. An dat siev wi kaaz Gad mek Jiizas Krais ded an kom bak alaiv.

Ruoman 2:17

So nou, wa bout unu? Unu se unu a Juu, unu put unu chos iina di Laa an buos bout ou unu bilang tu Gad.

Jan 1:47

Wen taim Jiizas si Nataniyel a kom wich paat im de, dis a wa im se bout im, “Ku ya! Da man ya a wan Izrelait fi chuu! Da man ya no tel no lai.”

Ifiijan 2:11

“Piipl we no sorkomsaiz,” a dat di Juu dem kaal piipl we neva baan Juu. Di Juu dem kaal demself “piipl we sorkomsaiz,” kaaz fi dem faada sorkomsaiz dem wen dem sumaal, fi shuo se dem a Gad piipl. So memba