Ruoman 2:26 - Di Jamiekan Nyuu Testiment

²⁶ So nou, di piipl dem we a no Juu an we no sorkomsaiz, ef dem a du aal a wa di Laa se dem fi du, unu no tingk se Gad a-go chriit dem siem laik ou im chriit di piipl we sorkomsaiz? Unu no tingk se im a-go tek dem fi fi im piipl?

Ruoman 2:26 ပူးပေါင်းရင်းမြစ်များ

Koloshan 2:11

An kaa unu kluos tu Jiizas im sorkomsaiz unu. Unu no sorkomsaiz laik naamal, laik wen piipl kot we skin fi shuo se dem a Gad piipl. Nuo sa, im kot unu we fram sin. So sin naa no muo powa uova unu.

Ruoman 8:4

Gad du dat, so dat aal a wi we a liv ou im Spirit se wi fi liv an uu naa du di sitn dem we wi badi waahn fi du, aal a wi wuda a du di sitn dem we di Laa se it rait fi wi du.

Filipiyan 3:3

Bot a wi a di piipl we riili get sorkomsaiz — no dem. Wi a di wan we worship Gad iina di Spirit, priez Krais Jiizas, an no buos aaf bout uu wi bi.

Ifiijan 2:11

“Piipl we no sorkomsaiz,” a dat di Juu dem kaal piipl we neva baan Juu. Di Juu dem kaal demself “piipl we sorkomsaiz,” kaaz fi dem faada sorkomsaiz dem wen dem sumaal, fi shuo se dem a Gad piipl. So memba

Ruoman 3:30

A onggl wan Gad de, an a im a Gad fi di Juu dem an di piipl dem we a no Juu. Gad a-go mek tingz rait bitwiin im an di Juu dem wen dem biliiv siem laik ou im wi mek tingz rait bitwiin im an di piipl dem we a no Juu wen dem biliiv.

Matyu 15:28

Wen Jiizas ier dat, im se, “Bwai uman, yu riili riili chos iina mi. Wat-eva yu waahn fi apm, Gad a-go mek it apm.” Siem taim ar daata get beta.

Ruoman 2:25

Ef unu a fala di Laa, den di fak se unu sorkomsaiz miin sopm. Bot ef unu naa fala di Laa, unu kuda sorkomsaiz likl muor, it no miin a ting — a laik se unu neva sorkomsaiz iina di fos plies.

Ruoman 2:27

An unu we sorkomsaiz an nuo di Laa bot a brok it, unu no tingk se di piipl dem we no sorkomsaiz bot a fala di Laa naa go joj unu?

Gyalieshan 6:15

A no notn ef yu sorkomsaiz ar yu no sorkomsaiz; di onggl ting we mata a se Gad tek yu an ton yu iina wan nyuu sumadi.