Ruoman 2:22 - Di Jamiekan Nyuu Testiment

²² Unu tel piipl se dem no fi sliip wid piipl we dem no marid tu, so wa mek unu a sliip wid piipl we unu no marid tu? Unu taak gens di faalz gad dem, unu se unu iet dem, bot unu a tiif tingz outa di ous wich paat piipl worship dem.

Ruoman 2:22 ပူးပေါင်းရင်းမြစ်များ

Matyu 12:39

Bot Jiizas ansa dem se, “Di piipl dem iina da taim ya, a wan wikid set a piipl. Dem aks fi wan sain we wuda pruuv se a Gad sen mi. Dem naa get non! Di onggl sain dem a-go get a sopm laik wa did apm wid Juona di prafit.

Jiemz 4:4

Unu komiin laik piipl we sliip wid ada piipl waif an ozban! Unu no nuo se piipl we lov di worl iet Gad? So enibadi we mek di worl dem fren mek Gad dem enimi.

Aks 19:37

Kaaz unu kyari dem tuu man ya komiin ya iivn duo dem no tiif notn outa di ous fi wi gad, ar se notn bad bout ar.

Maak 11:17

Afta dis im staat tiich di piipl dem. Im se, “It no rait dong iina Gad wod se: “ ‘Fi mi ous a-go bi wan ous we piipl fram aal uova di worl kom fi prie’? Bot unu tek it ton ‘wan aid out fi tiif!’ ”

Matyu 16:4

Di piipl dem iina da taim ya, a wan wikid set a piipl. Dem aks fi wan sain we wuda pruuv se a Gad sen mi. Dem naa get non! Di onggl sain dem a-go get a sopm laik we did apm wid Juona.” Den Jiizas lef dem an go we.

Ruoman 12:9

Unu mos lov piipl wid aal a unu aat — unu lov mos riil; iet evriting we wikid an eng aan tait tu eniting wa gud.