Ruoman 2:20 - Di Jamiekan Nyuu Testiment

²⁰ Kaaz unu nuo di Laa unu fiil se unu nuo an andastan evriting an dat evriting we unu se a chuu sopm. An siek-a dat unu fiil se unu kyan karek di piipl dem we no nuo rait fram rang an unu kyan tiich di piipl dem we no nuo di chuut.

Ruoman 2:20 ပူးပေါင်းရင်းမြစ်များ

2 Timoti 3:5

Dem a-go gwaan laik se dem a Gad piipl bot dem naa go riili biliiv iina Gad. Yu si dem piipl ya, no av notn fi du wid dem.

Taitos 1:16

Dem se dem nuo Gad, bot dem no gwaan laik se dem nuo im. Dem de kain-a piipl de sik Gad tumok. Dem no du wa im se an dem so woklis dat dem kyaahn du notn gud.

2 Timoti 1:13

Yu si di sitn dem we mi tiich, tek kier an fala dem, no tiich notn difrant. Yu fi du dis wid di sitn dem we wi biliiv an we Jiizas Krais gi wi an wid di lov we im gi wi tu.

1 Korintiyan 3:1

Breda an sista, bifuo mi kudn taak tu unu laik ou mi wuda taak tu piipl we av Gad Spirit a kanchuol dem. Mi did afi taak tu unu laik piipl we mek dem badi kanchuol dem — mi did afi taak tu unu laik se unu a biebi we no andastan di sitn dem bout Gad.

Ruoman 6:17

Bot tangk Gad, iivn duo unu a did sin sliev, unu fala wid aal a unu aat, aal a di chuu sitn dem we mi did tiich unu.

1 Piita 2:2

An jos laik ou yong biebi no waahn notn bot dem mada milk, a siem so unu fi wel waahn Gad wod — dat a fi unu milk. Da wie de, unu naa go jos get siev an a it dat, bot unu wi gruo,

Iibruu 5:13

Enibadi we liv pan milk, no riili nuo wa rait fram rang, kaaz dem a stil biebi.

Matyu 11:25

Da taim de, Jiizas se, “Faada, a yu ron evriting iina evn an pan ort, mi priez yu. Mi priez yu kaa yu aid dem sitn ya fram piipl we tingk se dem brait an av nof sens, bot yu shuo lili pikni dem.

Ruoman 2:19

Unu biliiv se a unu a liida fi di piipl we blain an dat unu a wan lait fi di piipl we de iina daaknis.

Ruoman 3:31

So wa dat miin fi di Laa? Ef Gad onggl mek tingz rait bitwiin im an piipl wen dem biliiv, dat miin se di Laa no wot notn? Nuo notn no go so! Wen wi biliiv iina Gad wi a shuo se di Laa riili wot sopm, a da taim de wi riili a fala di Laa.

Jiemz 3:1

Mi breda an sista, nof a unu no fi ron go chrai ton tiicha, kaaz unu nuo se wi we a tiicha a-go get joj aada.