Ruoman 2:15 - Di Jamiekan Nyuu Testiment

¹⁵ Wa dem du shuo se di sitn dem we di Laa tiich rait dong iina dem aat. An di sitn dem we dem tingk, shuo se a chuu tu. Kaaz dem uona kanchens wi tel dem ef wa dem a du rait ar ef it rang.

Ruoman 2:15 ပူးပေါင်းရင်းမြစ်များ

Jan 8:9

Wen dem ier we Jiizas se, dem lef go we wan afta di ada. Di uolis wan dem go we fos, an dem gwaan lef til a Jiizas wan did tan op de wid di uman.

Aks 23:1

Paal luk chriet pan di liida dem an se tu dem se, “Mi breda, aal a mi laif op tu tide, mi liv rait, an mi kanchens naa go bada mi wen mi tan op infronta Gad.

Aks 24:16

A dat mek mi aalwiez du mi bes fi liv rait so dat nobadi kyaahn paint no fingga pan mi an mi kyan tan op infronta Gad an mi kanchens no bada mi.

Ruoman 2:14

Di piipl we a no Juu, dem neva get Gad Laa, so dem no nuo wa di Laa se. So wen dem du di sitn dem we di Laa se piipl fi du, dat shuo se dem nuo wa rait fram wa rang.

Ruoman 2:27

An unu we sorkomsaiz an nuo di Laa bot a brok it, unu no tingk se di piipl dem we no sorkomsaiz bot a fala di Laa naa go joj unu?

Ruoman 9:1

Mi a taak di chuut; mi bilang tu Krais Jiizas an mi naa lai. Di Uoli Spirit kanchuol fi mi kanchens an mi kanchens naa bada mi. So mi nuo fi shuor se mi a taak di chuut wen mi se

2 Korintiyan 1:12

Nou dis a wa wi av we wi kyan buos bout: fi wi kanchens naa bada wi kaaz wi nuo se wi liv gud wid evribadi. Aal unu, muor dan di res a piipl dem, wi chriit gud. Wi neva aid notn fram unu an wi aalwiez liv laik ou piipl we se dem bilang tu Gad fi liv. An wi naa liv so kaaz wi sumaat ar wi av sens, bot kaaz Gad gud tu wi an a im mek wi kyan liv so.

2 Korintiyan 5:11

So kaaz wi av nof rispek fi di Laad an chuu wi nuo se im a-go joj evribadi, wi du aal we wi kyan du fi win piipl uova fi Gad. Gad nuo se wi onggl priich wa im waahn wi fi priich an mi uop se, iina unu aat, unu nuo se a dat wi a du.

1 Timoti 4:2

Dem tiicha ya a ipokrit, dem no nuo rait fram rang kaaz dem naa no kanchens.

Taitos 1:15

Evriting kliin fi di piipl we aat kliin an uufa main no ful-a sin. Bot notn no kliin fi di wan dem we mek sin ruul dem an we no biliiv. Fi dem aat an main doti.