Ruoman 2:14 - Di Jamiekan Nyuu Testiment

¹⁴ Di piipl we a no Juu, dem neva get Gad Laa, so dem no nuo wa di Laa se. So wen dem du di sitn dem we di Laa se piipl fi du, dat shuo se dem nuo wa rait fram wa rang.

Ruoman 2:14 ပူးပေါင်းရင်းမြစ်များ

Aks 10:35

bot enibadi, no mata wich konchri dem kom fram, ef dem worship im an aalwiez du we rait, im wi tek dem fi'im piipl.

Aks 14:16

Fos taim im yuus tu lef aal a di piipl iina di worl we a no Juu fi du we dem waahn fi du.

Aks 17:30

So fos taim wen piipl neva nuo Gad, im neva ponish dem. Bot nou im a aada evribadi evriwe fi ton we fram dem sin an beg Gad paadn,

Ruoman 1:32

Iivn duo dem nuo se Gad se enibadi we a tek paat iina dem sitn de, dizorv fi ded, dem gwaan liv dem laif siem wie. Wos dem aal a tel ada piipl se a gud sitn dem a du wen dem tek paat iina dem sitn de tu.

Ruoman 2:12

Di piipl we no nuo Gad Laa stil a-go get ponish fi dem sin. Gad a-go joj dem bies pan wa dem du. Di piipl we nuo Gad Laa an stil a sin, a-go get ponish tu. Gad a-go yuuz di Laa fi joj dem.

Ruoman 2:15

Wa dem du shuo se di sitn dem we di Laa tiich rait dong iina dem aat. An di sitn dem we dem tingk, shuo se a chuu tu. Kaaz dem uona kanchens wi tel dem ef wa dem a du rait ar ef it rang.

Ruoman 2:27

An unu we sorkomsaiz an nuo di Laa bot a brok it, unu no tingk se di piipl dem we no sorkomsaiz bot a fala di Laa naa go joj unu?

1 Korintiyan 11:14

It naamal fi wan man gruo im ier lang? A no shiem im a shiem imself?

1 Korintiyan 9:21

Wen mi de mongks piipl we no fala di laa, mi du wa dem du — mi no miin se mi brok Gad laa yu no, nuo, mi fala Krais Jiizas laa. Bot mi liv laik dem so dat mi kyan win dem uova an elp dem fi biliiv iina Jiizas tu.

Ifiijan 2:12

se wan taim, unu neva nou Krais Jiizas, unu a neva paat a Gad piipl, Izrel, an unu kudn kip kompni wid dem niida. Di diil we Gad mek wid im piipl neehn av notn fi du wid unu. Unu did iina di worl, unu neva did a liv fi notn an unu neva nuo Gad.

Ifiijan 2:3

Matarafak, aal a wi yuus fi liv laka dat wan taim. Wi did a liv onggl fi wa wi badi waahn an fi di rang sitn dem wa wi main tel wi fi du. Wi did komiin jos laik evribadi els we fi get joj an ponish fi dem sin.

Filipiyan 4:8

Mi breda an sista, wan muor ting mi waahn se tu unu. Unu si eniting we chuu, eniting we unu kyan rispek, eniting we rait, eniting we gud an kliin, eniting we piipl kyan luk pan an fiil gud bout, eniting we piipl kyan taak gud bout, eniting we fit fi get big op — a dem sitn de unu fi set unu aat an main pan aal di taim.