Ruoman 2:1 - Di Jamiekan Nyuu Testiment

¹ Unu si aal a unu we a joj ada piipl, no mata uu unu bi, unu naa go kyan se notn wen Gad kom fi joj di worl. Kaaz wen unu a joj ada piipl, it komiin laik unu a joj unuself, kaaz di rang sitn dem we dem a du, a di siem sitn unu a du tu.

Ruoman 2:1 ပူးပေါင်းရင်းမြစ်များ

Luuk 12:14

Jiizas ansa se, “Man, uu gi mi di rait fi sekl aagiment an shier ded-lef bitwiin di tuu a unu?”

Luuk 19:22

“Im maasta se, ‘Mi wi tek yu uona wod dem joj yu, yu woklis sorvant! Duo yu se mi a wan aad man we tek out wa mi no put iin, an riip wa mi no plaant?

Luuk 6:37

“No joj piipl laik se Gad kyaahn paadn dem. Ef unu du dat di siem ting a-go riich unu. An no bada se nobadi gilti an rait dem aaf, kaaz dat wi riich unu tu. Paadn piipl, an unu wi get paadn tu.

Ruoman 14:22

So den wen it kom tu dem sitn ya, kip wa yu biliiv bitwiin yu an Gad. Di piipl we kyan du wa dem biliiv rait an no wanda at aal ef wa dem a du rang ar fiil gilti bout we dem a du, a dem riili api.

Ruoman 2:2

An aal a wi nuo se Gad rait fi joj evribadi we a du dem sitn de.

Ruoman 2:3

Bot aal a unu we a joj ada piipl, di sitn dem we unu a joj ada piipl fa an we unu a du, unu no tingk se Gad a-go joj unu fi dem tu? Unu riili tingk im a-go jos mek unu get we so?

Ruoman 3:9

So wa? Unu tingk se wi we a Juu beta aaf dan di piipl dem we a no Juu? Nuo sa! Kaaz mi don shuo unu aredi se evribadi, weda dem a Juu ar dem a no Juu, sin kanchuol dem laif — evribadi a sina.

Ruoman 9:20

So wiet, a uu unu tingk unu bi? Unu we a jos man, wa mek unu tingk se unu kyan chat bak tu Gad? “Di klie pat kyan ton roun an aks di sumadi we mek it, ‘Wa mek yu mek mi so?’ ”

1 Korintiyan 4:5

So no bada joj nobadi til di taim rait. Wiet til di Laad kom. Aal a di rang sitn dem we piipl du an chrai fi aid, im wi mek evribadi nuo bout dem an im wi shuo wa riili de iina piipl aat. An den Gad wi big op di wan dem we du di wok we im gi dem an we du it gud.

1 Korintiyan 7:16

Aal a unu we a waif an av ozban we no biliiv, ou unu nuo se unu naa go siev unu ozban? An aal a unu we a ozban an we av wan waif we no biliiv, ou unu nuo se unu naa go siev unu waif?

Jiemz 2:20

Ou unu so fuul-fuul! Unu waahn mi shuo unu se, ef sumadi se dem biliiv sopm bot no av no wok fi bak op wa im se im biliiv, it no wot notn?

Jiemz 4:11

Mi breda an sista, no taak bad sitn buot wan aneda! Ef unu du dat ar joj piipl an gwaan laik se Gad kyaahn paadn dem, unu a se Gad Laa no gud. An ef unu se di Laa no gud unu a gwaan laik se a unu a joj uova di Laa.