Ruoman 16:7 - Di Jamiekan Nyuu Testiment

⁷ Anjranikos an Juuniyas, mi kombolo uu did iina prizn wid mi, oudi tu unu. Aal a di apasl dem nuo dem gud gud an rispek dem an dem did biliiv iina Krais Jiizas bifuo mi.

Ruoman 16:7 ပူးပေါင်းရင်းမြစ်များ

Jan 14:20

Wen da die de kom, unu a-go si se mi liv iina mi Faada, dat unu liv iina mi an dat mi liv iina unu.

Jan 15:2

Im brok aaf aafa mi aal a di lim dem we no bier fruut. An im chrim op di lim dem we bier fruut so dat dem kyan bier muo.

Jan 6:56

Enibadi we nyam mi badi an we jringk mi blod kluos tu mi, an mi kluos tu dem.

Ruoman 16:10

Tel Apelez we go chuu nof chraiyal an kraasiz an pruuv se im a Gad sorvant oudi fi mi. An tel aal a di piipl we liv a Aristobyuulos ous oudi fi mi tu.

Ruoman 16:11

Tel mi kombolo Eruodiyan oudi an se oudi tu aal di piipl we liv a Narsisos yaad an we biliiv iina Jiizas Krais.

Ruoman 16:21

Timoti, we wok wid mi sen oudi fi unu. Mi kombolo dem: Luushos, Jiesn an Sosipieta sen oudi fi unu tu.

Ruoman 16:3

Tel Priska an Akwila oudi fi mi. Dem wok wid mi fi Jiizas Krais

Ruoman 16:6

Mieri we wok aad aad fi unu, tel ar oudi.

Ruoman 16:8

Tel Ampliyaatos oudi fi mi. Im a mi gud gud fren an im an Jiizas a wan.

Ruoman 16:9

Orbanos we wok wid wi fi Jiizas Krais an mi gud gud fren Stiekis, tel di tuu a dem oudi fi mi.

Ruoman 8:1

So nou, di piipl we biliiv iina Krais Jiizas an we ton wan wid im, Gad naa go luk pan dem an se dem gilti an mos get ponish.

Ruoman 8:11

A Gad Spirit mek Jiizas kom bak alaiv. So den, ef Gad Spirit a liv iina unu, siem laik ou it mek Jiizas kom bak alaiv a siem so Gad wi yuuz im Spirit fi mek fi wi badi kom bak alaiv afta wi ded.

Ruoman 9:3

wen mi tingk bout fi mi piipl, di piipl we kom fram fi mi konchri, Izrel. Fi fi dem siek mi wish se a did mi. Mi wish se a did mi Gad joj an se fi ded an we no bilang tu Krais Jiizas no muor. Di piipl we kom fram fi mi konchri,

1 Korintiyan 1:30

A Gad kaaz unu fi kluos wid Jiizas Krais. An a Jiizas mek wi kyan nuo Gad an kyan andastan sortn tingz — Gad mek wi waiz wen wi kluos wid Jiizas. An chuu wi kluos wid Jiizas, Gad tek we aal a wi sin an mek tingz rait bitwiin wi an im. An so wi a im pikni nou.

2 Korintiyan 11:23

Dem a Krais Jiizas sorvant? (Mi a taak laik wan riil madman nou.) Mi a muor Krais sorvant dan dem. Mi wok aada dan dem. Mi get lak op iina prizn nof muor taim dan dem. Mi get nof muor biitn dan dem an a nof taim mi aalmuos ded.

2 Korintiyan 12:2

Mi nuo wan man, wan a Krais Jiizas falara dem, wa fuotiin ier ago, im get tek op iina di aiyis paat a evn. (Mi no nuo ef im badi did get tek op ar a jos im spirit di go a evn — a onggl Gad nuo.)

2 Korintiyan 5:17

Wen sumadi biliiv iina Krais Jiizas, dem ton wan nyuu sumadi. Dem tap liv di wie dem yuus tu liv bifuo dem biliiv an staat liv difrant.

2 Korintiyan 5:21

Jiizas neva sin yet bot Gad put fi wi sin pan im, so dat wi kuda get kliin. Da wie de wen wi biliiv iina Jiizas, tingz wuda rait bitwiin wi an Gad.

Gyalieshan 1:22

Bot di piipl we fala Jiizas an we go di choch dem iina Judiya neva nuo we mi luk laik.

Gyalieshan 2:2

Mi go bak de kaaz Gad did mek mi nuo se a de-so im waahn mi fi go. An wen mi dong de mi miit wid di liida dem — dem wan, an mek dem ier di mesij we mi did a priich tu di piipl dem we a no Juu. Mi mek dem ier it so dat dem wuda nuo se mi a tiich di chuut an so dat aal a di wok we mi did a du, wudn kom tu notn.

Gyalieshan 2:6

Di impuotant liida dem iina Jeruusilem (mi no bizniz wid ou impuotant di liida dem bi, kaaz Gad no luk pan dat, im no paashal) — dem neva ad notn tu di mesij we mi priich.

Gyalieshan 5:6

Kaaz wen yu an Jiizas a wan it no mata ef yu sorkomsaiz ar yu no sorkomsaiz. Di onggl ting wa mata a dat yu chos iina im. An yu shuo se yu chos iina im wen yu shuo lov.

Gyalieshan 6:15

A no notn ef yu sorkomsaiz ar yu no sorkomsaiz; di onggl ting we mata a se Gad tek yu an ton yu iina wan nyuu sumadi.

Ifiijan 2:10

A Gad mek wi tan ou wi tan. Gad mek wi an Jiizas wan, so wi kyan du di gud sitn dem we im did plan fi wi du fram wie bak wen.

Koloshan 4:10

Ieristaakos we de iina prizn wid mi, im sen oudi. Baanabas kozn, Maak, se oudi tu. Mi tel unu bout Maak aredi, so ef im kom tu unu, welkom im.

Failiiman 1:23

Epafras we iina prizn jos laka mi kaaz im tiich bout Jiizas, sen oudi fi yu.

1 Jan 4:13

Gad gi wi im Spirit. Dis shuo se wi liv iina im an im liv iina wi.

1 Jan 5:20

Wi nuo se Jiizas Krais, Gad Bwai Pikni kom an shuo wi di riil Gad. Siek-a Jiizas, wi bilang tu Gad nou — di riil Gad we mek piipl liv fi eva an eva.

Revilieshan 1:9

Mi a Jan, unu breda an fren we a go chuu di siem sofarieshan we unu a go chuu. Aal a wi a-go tek paat iina Gad kindom, an siem laik unu, mi naa gi op — mi wi gwaan sofa til Gad kom bak. Kaaz mi priich Gad wod an tel piipl aal a di sitn dem we Jiizas shuo mi, dem put mi pan wan ailan niem Patmos.