Ruoman 16:5 - Di Jamiekan Nyuu Testiment

⁵ Di uol a di piipl dem we gyada fi choch a Priska an Akwila ous, tel dem oudi fi mi tu. Mi gud gud fren Epiniitos tel im oudi fi mi. Im a did di fos wan iina Iezha fi biliiv iina Jiizas Krais.

Ruoman 16:5 ပူးပေါင်းရင်းမြစ်များ

Koloshan 4:15

Tel di breda an sista dem a Leyodiisiya se mi se oudi. Tel Nimfa oudi an Gad piipl dem we miit op an av choch a ar yaad.

Failiiman 1:2

wi sista Afiya, Aakipos we a suoja laik wi an tu aal a di piipl dem we gyada iina yu yaad fi av choch.

1 Korintiyan 16:19

Di choch dem we iina Iezha sen oudi fi unu. Akwila, Priska an di uol a di piipl dem we gyada a dem yaad fi kip choch a sen oudi fi unu iina di Laad niem.

1 Korintiyan 16:15

Nou breda an sista, unu nuo bout Stefanos an im fambili. Dem a did di fos set a piipl iina Akaiya fi biliiv iina Gad an get siev. An dem du aal we dem kyan du fi elp Gad piipl dem. So mi a beg unu

Matyu 18:20

Kaaz eniwe tuu ar chrii a mi falara dem gyada fi prie, mi de rait de wid dem.”

Revilieshan 14:4

Dem man ya neva sliip wid no uman — dem neva av seks. Dem fala did Biebi Shiip evriwe im go. Dem did get siev fram mongks di piipl dem we de pan di ort, so dem bilang tu Gad an di Biebi Shiip. Dem komiin laik di fos paat a di sitn we sumadi gi Gad fram dem faam.

3 Jan 1:1

Da leta ya a kom fram mi, di Elda — tu mi speshal fren, Gaiyos. Mi fren, mi riili riili lov yu.

Jiemz 1:18

Gad mek op im main fi gi wi nyuu laif, so im sen wi di chuu mesij, so wi kuda komiin laik di fos set a fuud fram di fiil fi im.

2 Korintiyan 9:2

Mi no afi rait unu kaaz mi nuo se unu wel waahn fi elp. Mi aal buos bout unu tu Gad piipl we de iina Masiduoniya. Mi tel dem ou fram laas ier di uol a unu iina Akaiya redi fi elp an kaaz unu redi fi elp, it mek dem wel waahn fi elp tu.

2 Korintiyan 1:1

Da leta ya a kom fram mi, Paal, wan a Jiizas Krais apasl dem. Mi a wan apasl kaaz a dat Gad did waahn mi fi bi. Wi breda Timoti, im grii wid evriting we iina da leta ya. So, a di tuu a wi a sen it an wi a sen it tu aal a Gad piipl we kip choch iina Korint an tu aal a di piipl dem we iina Akaiya we biliiv iina Gad.

Ruoman 16:12

Tel Chraifiina an Chraifuosa we a wok fi di Laad oudi fi mi an mi waahn fi sen oudi fi mi gud gud fren Porsis tu. Porsis wok aad aad fi di Laad.

Ruoman 16:8

Tel Ampliyaatos oudi fi mi. Im a mi gud gud fren an im an Jiizas a wan.

Ruoman 15:26

Kaaz di choch dem iina Masiduoniya an Akaiya did muor dan api fi gi moni tu Gad piipl iina Jeruusilem we puor.

Ruoman 11:16

Nou ef yu gi di fos paat a di bred tu Gad, a riili gi yu a gi im di uol a di bred; an ef yu gi op di ruut paat a wan chrii tu Gad, yu a gi im di branch dem tu.

Aks 18:27

Wen Apalos did waahn kraas uova go a Akaiya, di breda an sista dem push im fi gwaan. Dem rait wan leta tu di breda an sista dem uova de an tel dem fi tek im iin an chriit im gud. Di wan dem we did biliiv kaaz Gad did so gud tu dem, wen Apalos riich im du uol iip fi elp dem.

Aks 18:12

Nou afta Gyaliyo did ton govana fi Akaiya di Juu dem gyada op an grab Paal an jrag im infronta di joj,

Aks 2:9

Evribadi ier dem uona Langwij, piipl we kom fram Paatiya, Miid, Iilom, piipl we kom fram Mesopotiemiya, Judiya, Kyapaduoshiya, Pontos, an Iezha,

Aks 16:6

Di Uoli Spirit wudn lou dem fi priich di gud nyuuz iina Iezha, so dem muuv chuu Frijiya an Gyaliesha.

Ruoman 16:4

an dem put demself iina siiros chobl fi mi — dem did redi fi ded fi mi. Mi kyaahn tangk dem inof, an a no jos mi a tel dem tangks bot aal a di piipl we go a di choch dem fi piipl we a no Juu, a tangk dem tu.

Ruoman 16:6

Mieri we wok aad aad fi unu, tel ar oudi.