Ruoman 16:27 - Di Jamiekan Nyuu Testiment

²⁷ Gad a di onggl riil Gad, notn an nobadi no waiz laik im. So siek-a wa Jiizas Krais du fi wi, mek wi priez Gad fi eva an eva. Iemen!

Ruoman 16:27 ပူးပေါင်းရင်းမြစ်များ

1 Timoti 1:17

So rispek an priez tu di King we a-go bi king fi eva, di onggl Gad, di wan we kyan neva ded an we wi kyaahn si wid wi yai dem, priez tu im fi eva an eva, Iemen!

Ruoman 11:36

Kaaz a Gad mek evriting! A im kaaz evriting fi liv an evriting mek fi sorv im. Gad fi get priez fi eva an eva! Iemen!

Juud 1:25

Im a di onggl Gad. Im siev wi wen im sen Jiizas Krais wi Laad fi ded fi wi. Big im op an worship im. A im av aal powa an di rait fi ruul iina evri wie an uova evribadi, bifuo taim did staat, rait ya nou, an fi eva an eva. Iemen!

2 Piita 3:18

Gwaan mek wi Laad Jiizas Krais we siev wi, lov unu an chriit unu gud, an unu fi gwaan lorn muo an muo bout im tu. Mi prie se im wi get di priez, tide, tumaro an fi eva! Iemen.

1 Piita 2:5

So unu fi kom tu di Laad laik stuon we a liv tu. An mek Gad Spirit yuuz unu fi bil op Gad ous. Iina da ous de unu a-go bi wan gruup a priis fi Gad — an fi Gad wan. An unu a-go bon sakrifais we Gad Spirit se unu fi bon, an im wi tek da sakrifais de siek-a wa Jiizas Krais du.

Iibruu 13:21

wi gi unu aal a di gud sitn dem we impuotant fi go du wa im waahn unu fi du. Mi prie tu se im wi mek wi ton aal a wa im waahn wi fi ton. An dis wi apm kaaz im wi mek Krais Jiizas du dat. Di piipl dem fi priez Krais Jiizas fi eva an eva an lif im op. Iemen.

Iibruu 13:15

So siek-a we Jiizas du, mek wi priez Gad aal di wail. Wen wi priez Gad so, a sakrifais wi a sen op gi im. A wi aafrin dat wi a gi wid wi mout, an dat shuo se wi chos iina im, an wi a se im a fi wi Laad.

2 Timoti 4:18

Di Laad naa go mek no wikid sitn ort mi. Im a-go kip mi sief an kyari mi go a im uom iina evn. Priez im fi eva an eva! Iemen!

1 Timoti 6:16

A Gad wan kyan liv fi eva an no ded. Im liv iina wan brait brait lait, it so brait no man kyaahn luk pan im ar kom nier im. A dat mek nobadi neva si im ar kyan si im. Ana an powa tu Gad fi eva! Iemen!

Filipiyan 4:20

So mek wi big op an priez Faada Gad fi eva an eva! Iemen!

Ifiijan 3:10

Gad du aal a dis so dat, iina dem taim ya, di choch wuda shuo di spirit dem we ruul an we av nof powa iina di skai, ou Gad riili riili waiz.