Ruoman 16:26 - Di Jamiekan Nyuu Testiment

²⁶ bot we Gad mek wi nuo bout nou. Gad we liv fi eva an eva, tel di prafit dem fi rait dong dem sitn ya iina Gad wod, an sen out piipl fi priich bout it so dat evribadi wuda nuo di chuut an staat fi biliiv an fala Gad.

Ruoman 16:26 ပူးပေါင်းရင်းမြစ်များ

1 Timoti 1:17

So rispek an priez tu di King we a-go bi king fi eva, di onggl Gad, di wan we kyan neva ded an we wi kyaahn si wid wi yai dem, priez tu im fi eva an eva, Iemen!

Gyalieshan 3:8

Gad did av a plan fi mek tingz rait bitwiin im an di piipl dem we a no Juu. Ef dem biliiv iina im, im wuda siev dem an tek we dem sin. Dis a did di gud nyuuz we Gad tel Iebriyam fram wie bak wen an we rait dong iina Gad wod. Gad tel Iebriyam se, “Piipl fram aal difrant konchri a-go get bles siek-a wa yu du.”

Ruoman 15:18

Mi wudn mad fi taak bout notn bot di wok we Krais Jiizas yuuz mi fi du — di wok we kaaz di piipl we a no Juu fi staat du aal a wa Gad se dem fi du. Dem staat fala Gad siek-a di sitn dem we mi se an du,

Ruoman 1:5

Gad kaaz Jiizas fi gud an kain tu mi an fi mek mi wan a im apasl dem, iivn duo mi neva dizorv it. Im mek mi wan apasl so dat mi kuda sorv Jiizas Krais an elp di piipl dem we a no Juu fi biliiv iina im an fala aal a wa im se.

2 Timoti 1:10

Nou Jiizas Krais wi sievya shuo wi ou im kain wen im kom an mek it so dat wi kyaahn ded. Im tiich di Gud Nyuuz so dat wi kuda andastan wa it miin fi liv fi eva.

Koloshan 1:26

Di mesij a di siikrit we Gad did aid fram wen! Di siem siikrit we nobadi at aal neehn nuo bout. Bot nou, Gad mek fi im piipl dem, we gud an kliin, nuo bout it.

Ifiijan 1:9

An kaaz Gad did waahn wi fi nuo, im tel wi aal a im plan dem we nobadi neva nuo bout. Fram di staat, im did mek op im main fi yuuz Jiizas fi du aal a di sitn dem wa im plan.

Ruoman 15:4

Evriting we rait dong iina Gad wod, rait dong fi tiich wi an fi elp push wi fi tan op chrang an no gi op so dat wi kyan gwaan luk fi get di sitn dem we Gad pramis wi.

Ruoman 1:2

Lang bifuo Jiizas baan, Gad did pramis fi sen da Gud Nyuuz de tu wi. Im mek im prafit dem rait it dong iina Gad wod se im a-go sen it.

1 Jan 5:20

Wi nuo se Jiizas Krais, Gad Bwai Pikni kom an shuo wi di riil Gad. Siek-a Jiizas, wi bilang tu Gad nou — di riil Gad we mek piipl liv fi eva an eva.

Ifiijan 2:20

Unu komiin laik wan bildin. Jos laik ou bildin mek pan foundieshan, a siem so unu av wan foundieshan. Fi unu foundieshan a di apasl an prafit dem. An Krais Jiizas a di rakstuon we uol di bildin tugeda.

Iibruu 9:14

den tingk bout umoch muo Krais Jiizas blod a-go du fi wi! Siek-a di Spirit we liv fi eva, im kuda gi op imself, an im naa no sin at aal. So fi im blod frii wi kanchens fram di sitn dem we wi du uova an uova fi worship, bot we riili naa no yuus an we boun fi kil wi aaf. Im blod frii wi kanchens fram dem de an mek wi kyan riili sorv di Gad we liv fi eva!

Ruoman 3:21

Bot nou Gad shuo wi ou im plan fi mek tingz rait bitwiin im an piipl. Da plan de no av notn fi du wid di Laa, (iivn duo di Laa an di prafit dem did taak bout da plan de). It no av notn fi du wid di Laa, so no chuu yu a fala di Laa dat miin se Gad a-go mek tingz rait bitwiin yu an im.

Ruoman 1:20

Nobadi kyan si Gad bot dem kyan nuo bout im. Fram Gad mek di worl, im a shuo piipl a uu im bi. Wen yu luk pan di sitn dem we im mek, yu kyan nuo se a im a riili Gad an dat a im a-go av aal di powa fi eva an eva. So nobadi kyaahn se dem neva nuo bout im.

Aks 10:43

Aal a di prafit dem taak bout im an se Gad wi paadn enibadi we biliiv iina Jiizas fi aal a dem sin kaaz dem chos iina Jiizas.”

Aks 6:7

Gad mesij bout Jiizas pred muo an muo, an muo an muo piipl biliiv iina Jiizas an wan uol iip a di priis dem biliiv di Gud Nyuuz tu.

Maak 16:15

Im tel dem se, “Go aal uova di worl an priich di Gud Nyuuz tu evribadi.

Revilieshan 19:10

Wen mi ier dis, mi jrap pan mi nii a im fut fi worship im. Bot im se tu mi se, “No, yu kyaahn du dat! Mi sorv Gad jos laik yu an yu breda an sista dem we biliiv evriting we Jiizas tiich. So a Gad yu fi worship, kaaz di chuu sitn dem we nobadi neva nuo an we Jiizas shuo wi, a dat lou piipl fi pred Gad mesij!”

Revilieshan 1:17

Wen mi si di man, mi fling dong miself a im fut an no muuv — laik se mi ded. Den im chrech out im rait an, an toch mi an se tu mi se, “No bada fried. Mi a di fos an mi a di laas — evriting staat wid mi, an evriting don wid mi.

Iibruu 13:8

Jiizas Krais no chienj — siem wie ou im tan yeside, a so im tan tide an a siem so im a-go tan fi eva an eva.

1 Timoti 3:16

Aal a wi nuo fi shuor se di uol a di sitn dem we Gad shuo wi, we jos big an powaful, a chuu. A chuu se: Jiizas baan a ort laik wan man. Di Uoli Spirit pruuv se Gad did tek im fi im Pikni an di ienjel dem did si im. Piipl priich tu evribadi bout im, evribadi put dem chos iina im an Gad tek im op iina evn.