Ruoman 16:25 - Di Jamiekan Nyuu Testiment

²⁵ Mek wi priez Gad — Gad we kyan mek unu tan op chrang iina wa unu biliiv azkaadn tu di Gud Nyuuz we mi priich bout Krais Jiizas, an azkaadn tu di chuu sitn dem we a did siikrit fram lang lang taim a bak,

Ruoman 16:25 ပူးပေါင်းရင်းမြစ်များ

1 Korintiyan 2:7

Nuo! mi no tiich we dem tingk waiz. Insted-a dat mi taak bout ou Gad, di onggl wan we riili waiz, did plan fi siev wi fram lang taim. Nobadi neva nuo bout da plan de bifuo kaaz im kip it fram wi. Bot lang bifuo im iivn mek di worl, Gad mek a plan fi siev wi — a so im waiz.

Ruoman 2:16

Di siem ting we mi priich a di siem ting we a-go apm pan di die wen Jiizas kom bak fi joj di worl. Im a-go joj piipl bies pan wa dem tingk an wa dem du, iivn di sitn dem we dem du iina siikrit.

Ifiijan 1:9

An kaaz Gad did waahn wi fi nuo, im tel wi aal a im plan dem we nobadi neva nuo bout. Fram di staat, im did mek op im main fi yuuz Jiizas fi du aal a di sitn dem wa im plan.

2 Tesaluoniyan 2:14

Gad did kaal unu fi get siev fram di taim wen wi did kom tel unu di Gud Nyuuz. Im kaal unu so unu kyan kom get som a di ana we wi Laad Jiizas Krais av.

2 Korintiyan 4:3

An iivn ef som piipl kyaahn andastan di Gud Nyuuz we wi priich, a onggl di piipl we no biliiv an we a-go ded, kyaahn andastan it.

Ifiijan 3:9

Gad mek evriting an a im pik mi fi mek evribadi nuo bout im siikrit plan an ou di plan a-go wok out. Im did aid di plan fram evribadi, fram wie bak wen.

1 Piita 5:10

Bot afta unu sofa likl, di Gad we lov unu so til, we no uol bak non a im lov fram unu, im sed wan we kaal unu fi enjai im powa we kyaahn don, kaaz unu a fala Krais Jiizas — im a-go fiks bak evriting fi unu agen, an di chos unu chos iina im, im a-go mek dat chrang chrang. Im a-go mek unu aat chrang tu, so unu kyan anggl di sofarieshan. An im a-go mek shuor se unu tan op chrang iina im no mata ou rof it mait-a get.

2 Timoti 2:8

Memba uu Krais Jiizas bi. Jiizas a di wan we Gad bring bak fram di ded an we kom fram di siem fambili we Dievid kom fram. Dat a di mesij we mi tiich.

2 Tesaluoniyan 3:3

Bot, memba se Gad wi aalwiez du wa im se im a-go du. Im a-go mek unu aat chrang, an im wi protek unu fram di wikid wan.

Ifiijan 6:19

Prie fi mi tu. Prie se Gad wi elp mi an tel mi di rait wod fi se. Prie se mi wi no fried evritaim mi uopm mi mout fi tel piipl di siikrit mesij bout di Gud Nyuuz,

Gyalieshan 2:2

Mi go bak de kaaz Gad did mek mi nuo se a de-so im waahn mi fi go. An wen mi dong de mi miit wid di liida dem — dem wan, an mek dem ier di mesij we mi did a priich tu di piipl dem we a no Juu. Mi mek dem ier it so dat dem wuda nuo se mi a tiich di chuut an so dat aal a di wok we mi did a du, wudn kom tu notn.

2 Korintiyan 4:5

A dat mek wi no priich bout wiself bot wi priich an tel unu se Jiizas Krais a Laad. Wi, wi a onggl unu sorvant, kaaz a dat im sen wi fi du.

1 Korintiyan 1:23

Bot yu si wi, wi priich bout ou Krais Jiizas ded pan di kraas fi siev wi. Di Juu dem beks enitaim dem ier da mesij ya an di piipl dem we a no Juu tingk se a fuulinish wi a taak.

Aks 20:32

“So nou mi a put unu iina Gad an, an lef unu wid di mesij bout ou Gad lov unu iivn duo wi no dizorv it. Da mesij de wi tek kier a unu an elp unu tan op chrang an gi unu aal wa Gad pramis fi gi aal a im piipl.

Aks 9:20

Saal neva wies no taim. Im staat priich siem taim iina di Juu dem choch se Jiizas a Gad Bwai Pikni.

Matyu 13:35

Da wie ya, wa di prafit did se, kom chuu: “Mi wi yuuz tuori we soun laik rigl wen mi de taak, an chat di sitn dem we aid op fram di taim wen di worl did a mek.”

Matyu 13:17

Kaaz mi a tel unu dis, an a chuu mi de taak, nof prafit an piipl we du rait did wel waahn fi si wa unu si, an ier wa unu ier bot dem neehn si ar ier it.

1 Piita 1:20

Gad did pik im fi du dis fram bifuo dis ya worl did mek an im shuo op iina di laas die dem fi unu uona gud.

Iibruu 7:25

Piipl kyan kom tu Gad siek-a im an im kyan siev dem piipl de fi eva an eva. Im kyan siev dem fi eva kaaz im naa ded so im kyan aalwiez taak tu Gad fi dem.

Taitos 1:2

An wen dem andastan Gad wod it wi gi dem sopm fi luk faawod tu. Dem wi luk fi si an nuo fi shuor se Gad wi mek dem liv fi eva. Kaaz lang bifuo di worl did mek Gad pramis fi mek wi liv fi eva, an Gad no lai.

2 Timoti 1:9

Gad siev wi an pik wi fi bi im piipl. A no kaaz a notn we wi du mek im du dat. Gad pik wi kaaz im did plan fi gud an kain tu wi. Wie bifuo taim im di plan fi shuo wi lov iivn duo wi no dizorv it an sen Krais Jiizas fi siev wi.

Ifiijan 3:11

A so Gad did plan it fi apm fram wie bak wen, an im mek Krais Jiizas wi laad mek it apm siem laik ou im did plan it.

1 Korintiyan 4:1

Dis a ou unu fi tingk bout wi we a tiich unu: unu fi luk pan wi an si se wi a jos Krais Jiizas sorvant dem an di wan dem we de ya fi tel unu bout aal a di sitn dem we unu no nuo bout Gad.

Ruoman 14:4

Uu unu tingk unu bi, fi a joj sumadi els sorvant? A onggl di sorvant maasta kyan tel im ef im a du we im fi du ar ef im naa du we im fi du — onggl dem maasta kyan se ef dem a tan op ar dem a faal dong. An dem wi tan op kaaz di Laad kyan mek dem tan op.

1 Tesaluoniyan 3:13

Da wie ya, unu aat wi get chrang so unu wi du di sitn dem we shuo se unu bilang tu wi Faada Gad. An so im naa go kyan bliem unu fi notn wen unu tan op infronta im wen wi Laad Jiizas kom bak wid aal a im piipl dem.

Ruoman 11:25

Breda an sista mi waahn unu fi andastan da siikrit ya we piipl neva nuo bout bifuo. Mi waahn unu fi andastan it so dat unu no get ful-a unuself an tingk se unu waiz: Di Izrel piipl dem mek op dem main se dem naa biliiv iina Jiizas, bot dat naa go gwaan fi eva. It a-go tap wen aal a di piipl dem we a no Juu an we Gad did pik kom fi biliiv iina im.

Koloshan 2:2

Mi a wok aad, so dat unu aat no jrap wen unu kom kraas prablem, an dat unu kyan kom tugeda an lov unu wan aneda. Da wie de Gad wi bles unu an mek unu get fi nuo an riili andastan di chuu mesij — di mesij bout Gad siikrit, an Gad siikrit a Krais Jiizas.

Koloshan 4:3

An beg unu du, prie fi wi tu. Prie se Gad wi klier di wie, so wi kyan pred di siikrit mesij bout Krais Jiizas — di mesij we nobadi neehn nuo bout. A siek-a da mesij ya dem chien mi op an av mi a prizn ya-so nou.

Revilieshan 10:7

Wen di taim kom fi ienjel nomba sevn bluo fi'im chompit, Gad siikrit plan a-go kom chuu. It a-go kom chuu siem laik ou Gad did tel im prafit dem se it a-go apm.”

Matyu 20:7

“Dem ansa bak, ‘Kaaz nobadi naa gi wi no wok sa.’ “So im se tu dem se, ‘Unu gwaan go wok pan mi griep faam tu.’