Ruoman 16:2 - Di Jamiekan Nyuu Testiment

² Tek ar iin an chriit ar laik ou unu nuo unu fi chriit Gad piipl, kaaz shi bilang tu Gad, an Gad piipl sopuoz fi chriit dem wan aneda gud. Eniting shi niid fram unu, gi it tu ar, kaaz a nof piipl shi elp — shi aal elp mi.

Ruoman 16:2 ပူးပေါင်းရင်းမြစ်များ

Matyu 25:40

“An di king a-go ansa bak, ‘Mi tel unu dis, an a chuu mi a taak, di taim dem wen unu weehn du dem sitn de fi wan a mi breda an sista dem we piipl se no wot notn, a laik se a mi unu did dwi'it fa.’

Aks 9:13

Ananaiyas se, “Bot Laad, nof piipl tel mi bout da man de an di uol iip a wikid sitn dem we im du tu yu piipl dem iina Jeruusilem.

Aks 9:15

Bot di Laad se tu Ananaiyas se, “Gwaan! Kaaz mi pik da man ya fi sorv mi. Mi pik im fi go tel piipl bout mi, piipl we a no Juu, di king dem an di Izrel piipl dem tu.

Aks 9:36

Nou yu did av wan uman we biliiv iina Jiizas we liv a Japa. Shi did niem Tabita, bot iina Griik shi niem Daakas. Shi did eva a du gud an a elp puo piipl.

Aks 9:39

So Piita get op siem taim an go wid dem. Wen im kech de, dem kyari im opstiez tu di ruum. Aal a di uman dem uufa ozban did ded tan op saida im a baal an a shuo im aal a di kluoz dem we Daakas yuus tu mek wen shi did alaiv.

Aks 9:41

Im uol ar an an elp ar tan op. Den im kaal aal a Gad piipl, an di uman dem uufa ozban dem did ded tu an shuo dem se Daakas kom bak alaiv.

Ruoman 15:7

So den tek unu wan aneda siem laik ou Krais Jiizas did tek unu, so dat piipl wi priez Gad.

Ruoman 16:15

Tel Filalogos an Juuliya, Neriyos an im sista, Olimpas an aal a Gad piipl we de de wid dem oudi fi mi.

Ruoman 16:23

Gaiyos uu mi a stie wid an iina uufa yaad dem kip choch, sen oudi fi unu. Irastos we kip di moni fi di siti an wi breda Kwaatos sen oudi fi unu tu.

Ruoman 16:6

Mieri we wok aad aad fi unu, tel ar oudi.

Ruoman 16:9

Orbanos we wok wid wi fi Jiizas Krais an mi gud gud fren Stiekis, tel di tuu a dem oudi fi mi.

Ifiijan 5:3

Unu a Gad speshal piipl. So non a unu no fi get miks op iina naasi laif laik: man a sliip wid uman we a no im waif, man a sliip wid man, ar uman wid uman. Unu no fi waahnti-waahnti niida. Dem de sitn de no fi de mongks Gad piipl at aal at aal.

Filipiyan 1:27

So mek shuor se unu liv ou di Gud Nyuuz bout Krais Jiizas se unu fi liv. Da wie de weda mi kom luk fi unu, ar mi no kom, mi wi ier se aal a unu a tan op chrang tugeda fi di siem ting an a fait fi wa unu biliiv bout di Gud Nyuuz.

Filipiyan 2:29

So wen im kom, tek im iin an chriit im gud laik wan a di Laad piipl dem, an gi im di kain-a rispek we piipl laik im fi get.

Koloshan 4:10

Ieristaakos we de iina prizn wid mi, im sen oudi. Baanabas kozn, Maak, se oudi tu. Mi tel unu bout Maak aredi, so ef im kom tu unu, welkom im.

1 Timoti 2:10

Wa dem fi du a jres op demself wid di gud sitn dem we dem du fi ada piipl. A dat uman we a fala Gad fi du.

2 Timoti 1:18

Mi prie se pan di die Gad kom bak fi joj di worl dat im wi gud an kain tu Onisiforos. Yu nuo se im did elp mi nof nof wen mi did iina Efisos.

Taitos 2:3

A siem so di uolda uman dem fi liv laik uman we se dem a fala Gad. Dem no fi tel lai ar taak bad bout ada piipl. Dem no fi lov wain so til dem kyaahn tap jringk it niida. Di uolda uman dem fi tiich wa gud.

Failiiman 1:12

Oniisimos a mi aat, an mi a sen im bak tu yu.

Failiiman 1:17

So ef yu tingk se mi an yu a fren sins mi an yu wok tugeda fi di Laad, yu wi tek im bak iina yu ous an welkom im laik ou yu wuda welkom mi.

2 Jan 1:10

Ef enibadi kom tu unu we no biliiv iina wa wi tiich bout Krais Jiizas, no aaba im a unu ous, an no mek im tingk se unu api fi av im roun unu.