Ruoman 16:19 - Di Jamiekan Nyuu Testiment

¹⁹ Evribadi ier bout ou unu biliiv an a fala di Gud Nyuuz bout Krais Jiizas wid aal a unu aat an unu mek fi mi aat wel api wid aal we unu a du. Bot mi waahn unu fi waiz — mi waahn unu fi aalwiez nuo wa rait fi unu du an no av notn fi du wid no kain-a wikidnis.

Ruoman 16:19 ပူးပေါင်းရင်းမြစ်များ

Matyu 10:16

Mi a sen unu out laik shiip mongks wulf. So waiz op laik siniek an tek it iizi laik dov.

1 Korintiyan 14:20

Breda an sista no tingk laik se unu a pikni, unu fi tingk laik se unu a big piipl. Onggl gwaan laik pikni wen it kom tu wikidnis kaaz pikni no du no iip a wikid sitn.

Filipiyan 2:15

Da wie de, nobadi kyaahn paint no fingga pan unu, kaaz unu a Gad pikni we a liv kliin an naa miks op iina di torbl sitn dem we di piipl we a liv iina da taim ya a du. Nuo! Unu a shain laik wan brait lait iina di worl.

Ruoman 1:8

Di fos ting mi waahn fi se a dat mi tangk Gad fi aal a unu. Mi kyan tangk im siek-a wa Jiizas Krais du fi di uol a unu. An mi tangk im fi unu kaaz unu biliiv an chos iina Jiizas Krais so moch dat piipl aal uova di worl a taak bout unu.

Filipiyan 1:9

So mi riili a prie se unu wi lov unu wan aneda muor an muor, so unu kyan nuo an andastan

Koloshan 3:16

An unu fi gwaan mek di mesij bout Krais Jiizas liv iina unu aat an bles unu iina evri wie. So tiich an waan unu wan aneda. Du it laik unu av sens, an du it wid Saamz, di im dem an di sang dem we Gad Spirit gi unu fi sing. Sing tu Faada Gad wid aal a unu aat an gi im tangks.

Ifiijan 5:17

So no bada gwaan laik unu chupid. Fain out we di Laad riili waahn unu fi du.

Luuk 10:3

Mi a sen unu go out bot unu a-go komiin laik biebi shiip we de mongks wulf. Gwaan!