Ruoman 16:18 - Di Jamiekan Nyuu Testiment

¹⁸ Kaaz dem piipl de, dem naa sorv wi Laad Jiizas Krais, dem onggl a sorv demself. Dem a swiit-mout, dem yuuz aal kain-a fansi wod fi chrik an miks op di piipl dem we no nuo beta.

Ruoman 16:18 ပူးပေါင်းရင်းမြစ်များ

Matyu 24:11

Nof nof faalz prafit a-go kom bout an chrik chrik op uol iip a piipl,

Matyu 24:24

Kaaz piipl a-go kom kom se dem a di wan we Gad sen fi siev piipl, wen notn no go so. An som faalz prafit a-go shuo op tu. Dem piipl de a-go wok aal kain-a mirikl an shuo aal kain-a sain fi chrik op piipl, dong tu aal di piipl dem we Gad pik, di faalz prafit dem wi chrik op tu ef dem get di chaans.

Matyu 6:24

“Nobadi kyaahn sorv tuu maasta. Yu wi iet wan an lov di ada wan, ar yu wi ron go du eniting we wan waahn, bot no tuu bizniz wid di ada wan. Unu kyaahn sorv Gad an moni.

Matyu 7:15

“Wach out fi faalz prafit tu. Dem kom tu unu a gwaan laik dem a shiip, bot iina dem aat dem a laik wikid wail wulf.

Jan 12:26

Enibadi we waahn sorv mi afi fala mi. Eniwe mi de, dem a-go de de tu, an mi Faada a-go big dem op.

Ruoman 14:18

Enibadi we liv an sorv Krais Jiizas da wie de, wi kaaz Gad fi api wid dem an piipl wi rispek dem fi wa dem du.

Ruoman 16:19

Evribadi ier bout ou unu biliiv an a fala di Gud Nyuuz bout Krais Jiizas wid aal a unu aat an unu mek fi mi aat wel api wid aal we unu a du. Bot mi waahn unu fi waiz — mi waahn unu fi aalwiez nuo wa rait fi unu du an no av notn fi du wid no kain-a wikidnis.

2 Korintiyan 11:3

Bot mi fried se, jos laik ou di siniek di chrik op Iiv, sumadi a-go chrik unu an kaaz unu fi ton we fram Krais Jiizas an tap fala im wid aal a unu aat.

2 Korintiyan 2:17

Wi no komiin laik nof ada piipl we chriit Gad wod laik a sopm chiip we dem kyan sel an mek moni. Nuo! Gad sen wi fi tiich im Wod an chuu wi a Jiizas sorvant dem wi aalwiez tiich di chuut laik se Gad did tan op rait infronta wi.

2 Korintiyan 4:2

Wi no av notn fi du wid di bad sitn dem we piipl aid an du, an we bring dong shiem pan dem. Wi no chrai fi chrik nobadi an wi no ad ar chienj op notn we de iina Gad wod. Gad a wi witnis se wi onggl tiich di chuut an so piipl nuo se dem kyan chos wi.

Gyalieshan 1:10

Nou, wen mi taak so, a uu unu tingk mi a chrai fi win uova, Gad ar man? A uu unu tingk mi a chrai fi mek api? Ef mi did stil a chrai fi mek piipl api wid mi, mi wudn bi wan sliev fi Krais Jiizas.

Filipiyan 2:21

Kaaz evribadi els onggl a luk out fi demself. Dem no bizniz bout notn we Jiizas Krais kier bout.

Filipiyan 3:19

Dem piipl de, fi dem gad a dem beli an wa dem badi waahn. Di sitn dem we dem shuda shiem bout, a dem sitn de dem a buos bout. Di onggl ting we ful op dem main a di sitn dem we iina da worl ya. Gad gweehn mash dong dem piipl de.

Koloshan 2:4

Mi tel unu dis so nobadi kyaahn kom fuul unu op tu ou dem taak, an mek unu go chrie. Wa dem se mait-a soun laik dem mek sens bot a pie lai.

Koloshan 3:24

Kaaz unu nuo se unu a-go get wa di Laad pramis fi gi unu fi aal a di sitn dem we unu du. Kaaz a im unu riili a wok fa.

2 Tesaluoniyan 2:10

Im a-go du aal kain-a wikidnis fi chrik op di piipl dem we boun fi ded, kaaz dem did ton dem bak, an neehn lov di chuut we wuda siev dem.

1 Timoti 6:5

Dem sitn ya onggl kaaz bier aagiment mongks piipl we main wikid an no nuo di chuut. Dem piipl de tingk se fi fala Gad, a wan wie fi mek moni.

Jiemz 1:1

Da leta ya a kom fram Jiemz wan sliev fi Gad an di Laad Jiizas Krais. Mi a rait da leta ya tu di twelv chraib a Gad piipl dem wa skyata skyata aal uova di worl. Oudi tu aal a unu.

2 Piita 2:3

Siek-a ou dem faalz tiicha ya griidi, dem a-go mek op tuori fi chrai mek moni aafa unu. Bot a lang taim nou dem jojment redi. An Gad naa sliip, im a-go mash dem dong!

Juud 1:1

Da leta ya a kom fram mi, Juud. Mi a wan a Jiizas Krais sliev an Jiemz breda. Mi a rait aal a unu we Faada Gad pik fi bi fi im uon, we im lov, an we Jiizas Krais kip sief.

Juud 1:12

Dem man ya wi mash op unu miitn wen dem kom nyam an jringk wid unu. Unu fi kip we fram dem, siem laik ou ship kyaptin chrai fi kip we fram san bangk iina shalo waata. Wen dem a nyam an jringk wid unu dem no bizniz wid nobadi onggl demself. Dem komiin laik kloud we no av no rien we briiz bluo aal bout. Dem a laik chrii we no bier no fruut wen a taim fi bier fruut. Dem jrai op, ded an get ruut op.

Juud 1:16

Dem piipl de no du notn bot grombl an paint fingga pan ada piipl; eniting we dem wikid aat tel dem fi du — a dat dem du. Dem buos bout demself an swiit-taak piipl so dem kyan yuuz dem fi di rang riizn.

Revilieshan 1:1

Di sitn dem we rait dong iina da buk ya, a di sitn dem we Gad shuo Jiizas Krais. Gad shuo im dem sitn ya, so im kuda tel im sorvant dem bout di sitn dem we suun apm. A dem sitn de Jiizas sen im ienjel go tel im sorvant Jan.