Ruoman 16:14 - Di Jamiekan Nyuu Testiment

¹⁴ Asingkritos, Flegan, Ormiiz, Pachrobas, Ormas an di uol a di breda an sista dem we de wid dem, tel dem oudi fi mi.

Ruoman 16:14 ပူးပေါင်းရင်းမြစ်များ

Iibruu 3:1

So mi breda an sista we bilang tu Gad, an we im kaal jos laik ou im kaal mi, unu fi kip unu main pan Jiizas. Im a di mesinja we Gad sen wi, an di liida fi di priis dem we go tu Gad fi wi, siek-a wa wi se wi biliiv iina.

Koloshan 1:2

Wi a rait da leta ya tu aal a Gad piipl dem we de a Kolasi — di breda an sista dem we eva a chos iina Gad an we kluos tu Krais Jiizas: Wi prie se wi Faada Gad wi aalwiez shuo unu lov iivn duo wi no dizorv it, an gi unu piis iina unu aat.

Ruoman 8:29

Kaaz di piipl we Gad pik iivn bifuo im mek di worl, im maak dem. Im maak dem fi ton laik im Bwai Pikni, so dat im Bwai Pikni wuda bi di fos outa aal a im pikni dem.

Matyu 5:47

An ef unu onggl tel fu'unu piipl dem oudi, a wa unu wuda du so we nobadi els no du? Iihn? Dong tu di rang-duwa du dat tu, no chuu?

Ruoman 16:13

Tel Ruufos oudi fi mi. Im a wan a di Laad gud gud sorvant dem an tel im mada oudi fi mi tu — a laik shi a fi mi mada tu.

Ruoman 16:15

Tel Filalogos an Juuliya, Neriyos an im sista, Olimpas an aal a Gad piipl we de de wid dem oudi fi mi.