Ruoman 15:7 - Di Jamiekan Nyuu Testiment

⁷ So den tek unu wan aneda siem laik ou Krais Jiizas did tek unu, so dat piipl wi priez Gad.

Ruoman 15:7 ပူးပေါင်းရင်းမြစ်များ

Matyu 10:40

“Enibadi we welkom unu, welkom mi. An enibadi we welkom mi, welkom di wan we sen mi kom.

Maak 9:37

“Enibadi we tek iin wan a dem likl pikni ya kaaz im biliiv iina mi tek mi iin tu an enibadi we tek mi iin, a no jos mi dem a tek iin, dem a tek iin di wan we sen mi tu.”

Luuk 15:2

Bot di Farisii an di Laa tiicha dem staat grombl se, “Da man ya a fren op sina an aal a nyam wid dem.”

Luuk 9:48

Jiizas se tu dem se, “Enibadi we welkom da likl pikni ya, kaa im chos iina mi, welkom mi tu. An enibadi we tek mi iin, tek iin di wan we sen mi tu. Di wan mongks unu we de a di batam, a im av di tap a tap pozishan.”

Jan 13:34

“Mi a tel unu fi du sopm nyuu — lov unu wan aneda. Sed wie mi lov unu, a so unu fi lov unu wan aneda.

Jan 6:37

Evribadi we di Faada gi mi a-go kom tu mi, an mi naa go ron dem.

Ruoman 15:9

Krais Jiizas did kom tu, so dat di piipl we a no Juu kuda priez Gad kaaz im did gud an kain tu dem. A siem so it rait iina Gad wod se: “So mi wi gi yu tangks wen mi de mongks di piipl we a no Juu, an mi wi sing priez tu yu.”

Ruoman 5:2

Aal a di gud sitn dem we wi a get fram Gad an we wi no dizorv, wi a get dem siek-a wa Jiizas Krais did du an kaaz wi biliiv. An wi wel api kaaz wi nuo fi shuor se Gad a mek wi muor an muor laik im.

Ifiijan 1:12

Im pik wi, so dat wi, we a did di fos wan dem fi chos iina Krais Jiizas, wuda kaaz piipl fi priez Gad, wen dem si ou im big an powaful.

Ifiijan 1:18

Mi prie se Gad wi uopm unu main, so unu kyan andastan di sitn dem we im kaal wi fi tek paat iina. An mi prie se unu wi andastan se di sitn dem we Gad pramis fi gi im piipl dem big an nof.

Koloshan 3:13

No mata wa apm, unu fi bier wid unu wan aneda, an paadn unu wan aneda no mata wa dem du. Paadn unu wan aneda, jos laik ou di Laad did paadn unu. Put aan aal a we mi a tel unu nou, laik se a kluoz unu a put aan.