Ruoman 15:4 - Di Jamiekan Nyuu Testiment

⁴ Evriting we rait dong iina Gad wod, rait dong fi tiich wi an fi elp push wi fi tan op chrang an no gi op so dat wi kyan gwaan luk fi get di sitn dem we Gad pramis wi.

Ruoman 15:4 ပူးပေါင်းရင်းမြစ်များ

1 Korintiyan 10:11

Aal a dem sitn de we apm tu dem a fi waan wi no fi liv laik dem. An it rait dong iina Gad wod fi waan aal a wi we a liv iina da taim ya wen di worl suun don.

Ruoman 12:12

Wail unu wiet fi di sitn dem we Gad pramis fi gi unu, unu mos api kaaz unu nuo se unu a-go get it. Wen chobl tek unu, unu no fi gi op bot unu mos gwaan uol chrang an unu fi prie aal di taim, neva tap.

1 Piita 1:13

So siek-a aal we Gad du, mek shuor se unu get unu main redi fi akshan. Kanchuol unuself an staat liv siiros. Kip unu main onggl pan di blesn dem we Gad a-go gi unu wen Krais Jiizas kom bak.

1 Tesaluoniyan 1:3

Wi no tap prie an gi Faada Gad tangks fi unu kaaz wi memba ou unu du som gud sitn kaaz unu biliiv iina Jiizas. Wi memba ou unu wok wel aad kaaz unu lov im; an wi tingk bout ou unu neva eva tap luk tu im, an so unu kuda pres aan no mata wa.