Ruoman 15:16 - Di Jamiekan Nyuu Testiment

¹⁶ im mek mi wan a Krais Jiizas sorvant dem an sen mi fi wok mongks di piipl dem we a no Juu. Mi a laik wan priis, fi mi jab a fi priich di Gud Nyuuz we Gad gi mi tu di piipl we a no Juu, so dat di Uoli Spirit kyan mek dem kliin an gi dem op tu Gad laik wan sakrifais, wan sakrifais we Gad kyan api wid.

Ruoman 15:16 ပူးပေါင်းရင်းမြစ်များ

Ruoman 11:13

Aal di piipl we a no Juu, mi a taak tu unu nou: mi a di apasl we Gad sen fi priich tu di piipl we a no Juu, an mi tingk da wok de wel impuotant, so mi tek it siiros.

Ruoman 1:1

Da leta ya a kom fram mi, Paal, wan sliev fi Krais Jiizas. Gad pik mi fi bi wan a Jiizas Krais apasl an a im gi mi di wok fi priich im Gud Nyuuz.

Filipiyan 2:17

Bot iivn ef dem kil mi an jrien out mi blod laik wain we dem chuo pan sakrifais gi Gad, kaaz unu biliiv iina im an a sorv im, mi wi api. Ye! Mi an unu a-go api tugeda.

Aks 9:15

Bot di Laad se tu Ananaiyas se, “Gwaan! Kaaz mi pik da man ya fi sorv mi. Mi pik im fi go tel piipl bout mi, piipl we a no Juu, di king dem an di Izrel piipl dem tu.

2 Timoti 1:11

A da siem Gud Nyuuz de Gad se mi fi tiich. Im mek mi wan a Jiizas apasl dem so mi kuda tel di piipl dem di Gud Nyuuz.

1 Timoti 1:11

an we lain op wid di Gud Nyuuz bout wa Gad du fi wi wen im sen im Bwai Pikni fi siev wi. A da siem powaful Gud Nyuuz ya, Gad, di wan we piipl fi priez, se mi fi tiich.

Iibruu 13:16

An no figet fi du wa gud, an fi shier we unu av, kaaz Gad lov dem kain-a sakrifais de.

Ruoman 15:18

Mi wudn mad fi taak bout notn bot di wok we Krais Jiizas yuuz mi fi du — di wok we kaaz di piipl we a no Juu fi staat du aal a wa Gad se dem fi du. Dem staat fala Gad siek-a di sitn dem we mi se an du,

Aks 20:24

Bot fi mi laif no wot notn tu mi kaaz di onggl ting we mi a liv fa a fi mek shuor se mi don mi wok an du aal we mi Laad Jiizas gi mi fi du, fi tel evribadi bout di Gud Nyuuz — ou Gad lov wi, iivn duo wi no dizorv it.

1 Timoti 2:7

A so mek Gad sen mi fi bi im apasl, so mi kuda priich di chuut. Im sen mi fi tiich aal a di piipl dem we a no Juu an tel dem se Gad wi siev dem ef dem biliiv iina Jiizas. Mi naa lai, mi a tel yu di chuut.

2 Korintiyan 5:20

So wi a taak fi Krais Jiizas, an a laik se Gad a yuuz wi fi beg unu fi lisn tu wa wi a se. An sins wi a taak fi Krais Jiizas, wi a beg unu fi mek Gad put tingz rait bitwiin unu an im.

1 Korintiyan 4:1

Dis a ou unu fi tingk bout wi we a tiich unu: unu fi luk pan wi an si se wi a jos Krais Jiizas sorvant dem an di wan dem we de ya fi tel unu bout aal a di sitn dem we unu no nuo bout Gad.

1 Piita 2:5

So unu fi kom tu di Laad laik stuon we a liv tu. An mek Gad Spirit yuuz unu fi bil op Gad ous. Iina da ous de unu a-go bi wan gruup a priis fi Gad — an fi Gad wan. An unu a-go bon sakrifais we Gad Spirit se unu fi bon, an im wi tek da sakrifais de siek-a wa Jiizas Krais du.

1 Piita 1:12

Gad mek dem si se wa dem did a taak bout a neva did fi dem, bot dem did fi apm fi unu. Di sed sitn we di prafit dem did se, a di siem Gud Nyuuz di priicha dem kom gi unu. A di Uoli Spirit, we did sen dong fram evn, did gi dem di powa fi kom kom tel unu — aal ienjel did waahn andastan dem sitn ya!

1 Tesaluoniyan 5:23

Wi prie se Gad imself we gi piipl piis, wi put unu wan said fi liv fi im an sorv im wid aal a unu aat, an wi mek unu tan jos laik im iina evri wie. An wi prie se im wi no mek no paat a unu — spirit, suol ar badi, kyan get bliem fi notn wen wi Laad Jiizas Krais kom bak.

1 Tesaluoniyan 2:9

Breda an sista, wi shuor se unu memba ou aad wi did afi wok. Wi wok die an nait so wi neehn afi presha nobadi ar bordn unu dong wen wi did kom priich tu unu di Gud Nyuuz we kom fram Gad.

1 Tesaluoniyan 2:2

Unu nuo ou wen wi did de a Filipai di piipl dem we inchaaj did mek wi sofa. Dem shiem wi bad bot Gad gi wi di chrent fi kom tu unu siem wie an kom tel unu di Gud Nyuuz, iivn duo uol iip a piipl did a chrai fi tap wi,

Filipiyan 4:18

Mi get aal a di sitn dem we unu sen. An nou, mi av muor dan we mi niid. So, mi gud nou, kaaz Epafrodaitos gi mi evriting we unu sen kom. Aal a we unu sen kom, komiin laik di swiit sumel we kom fram sakrifais we Gad lov. An Gad api wid dat.

Ifiijan 2:22

So, unu piipl we a no Juu, kaaz unu chos iina Jiizas, Gad a bil op unu an di Juu dem we chos iina Jiizas. Im a bil unu op tugeda fi faam wan ous we Gad Spirit liv iina.

Ifiijan 2:18

Siek-a Krais Jiizas, di Uoli Spirit mek aal a wi kyan go tu Faada Gad.

Gyalieshan 3:5

Wa mek Gad gi unu im Spirit an wok mirikl mongks unu? Unu tingk im du it kaaz unu fala di Laa ar kaaz unu biliiv wa unu ier?

2 Korintiyan 11:23

Dem a Krais Jiizas sorvant? (Mi a taak laik wan riil madman nou.) Mi a muor Krais sorvant dan dem. Mi wok aada dan dem. Mi get lak op iina prizn nof muor taim dan dem. Mi get nof muor biitn dan dem an a nof taim mi aalmuos ded.

2 Korintiyan 8:5

Dem gi muor dan wi kuda aks dem fi gi, muor dan wi did tingk dem kuda gi. Di fos ting dem du a fi gi dem laif tu Jiizas Krais an fala aal a di sitn dem we wi tiich. Dem du evriting jos laik ou Gad did waahn dem fi du it.

1 Korintiyan 6:19

Unu no nuo se unu badi a di ous fi di Uoli Spirit we Gad gi unu? Unu no de pan unu uon.

1 Korintiyan 3:5

Afta aal, uu a Apalos? An uu a Paal? A wi kom priich tu unu an mek unu biliiv bot di tuu a wi did onggl a du wa Gad se wi fi du. Wi a onggl Gad sorvant.

Ruoman 15:29

an mi nuo se wen mi kom de, Krais Jiizas a-go bles unu nof nof.

Ruoman 5:5

An kaaz wi nuo se Gad a-go gi wi we im pramis, wi no afi wori. Wi no afi wori kaaz wi nuo se Gad lov wi. Im shuo wi umoch im lov wi wen im gi wi di Uoli Spirit.

Aks 22:21

“Den di Laad se tu mi, ‘Gwaan, kaaz mi a-go sen yu faar faar tu di piipl dem we a no Juu.’”

Aks 20:32

“So nou mi a put unu iina Gad an, an lef unu wid di mesij bout ou Gad lov unu iivn duo wi no dizorv it. Da mesij de wi tek kier a unu an elp unu tan op chrang an gi unu aal wa Gad pramis fi gi aal a im piipl.

Aks 13:2

Dem did a sorv di Laad an a kip we fram fuud wen di Uoli Spirit se tu dem se, “Frii op Baanabas an Saal so dem kyan du di wok we mi did pik dem fi du.”

Ruoman 15:19

an siek-a di sain dem an di mirikl dem we Gad Spirit gi mi di powa fi du. So fram Jeruusilem go klier a Ilirikom, mi priich di Gud Nyuuz bout Krais Jiizas aal bout.

Ruoman 15:20

Wa mi did aalwiez waahn fi du a fi go priich di Gud Nyuuz bout Krais Jiizas wich paat nobadi neva go priich yet. Da wie de mi wudn a bil pan di wok we sumadi els di staat fi du,

Ifiijan 5:2

Lov unu wan aneda, jos laik ou Krais Jiizas lov unu. Im gi op im laif fi wi laik wan swiit sakrifais we dem bon pan alta gi Gad.