Ruoman 15:15 - Di Jamiekan Nyuu Testiment

¹⁵ Bot iina da leta ya mi diil wid unu aad, mi no uol notn bak wen it kom tu sortn an sortn tingz kaaz mi waahn unu fi memba dem. Mi no uol notn bak kaaz Gad gud an kain tu mi,

Ruoman 15:15 ပူးပေါင်းရင်းမြစ်များ

Ruoman 12:3

Kaaz a di gif we Gad gi mi, mi a tel unu: No bada tingk se unu muor dan wa unu riili bi. Insted-a dat unu fi ombl unuself an joj unuself bies pan di fiet we Gad gi unu.

1 Korintiyan 15:10

Bot a chuu Gad gud an kain tu mi mek mi kyan du wa mi a du nou, an aal we im du fi mi, a no fi notn. Mi wok aada dan aal a di ada apasl dem. Bot mi neva du it pan mi uon, Gad elp mi fi du it, kaaz im gud an kain tu mi.

Ruoman 12:6

Gad gi wi difrant difrant gif — im mek wi kyan du difrant sopm. Ef Gad gi sumadi di powa fi priich im mesij, den dem fi priich bies pan di fiet we dem av.

Ruoman 1:5

Gad kaaz Jiizas fi gud an kain tu mi an fi mek mi wan a im apasl dem, iivn duo mi neva dizorv it. Im mek mi wan apasl so dat mi kuda sorv Jiizas Krais an elp di piipl dem we a no Juu fi biliiv iina im an fala aal a wa im se.

1 Jan 5:13

Mi rait unu we biliiv iina Gad Bwai Pikni so dat unu wi nuo se unu a-go liv fi eva an eva.

2 Piita 3:15

Memba se Gad a tek im taim so dat unu kyan get siev, jos laik wa wi gud fren, breda Paal rait an tel unu. A Gad mek im waiz so, so im kuda rait dem sitn de we im rait an tel unu.

1 Piita 5:12

Silvanos, uu a laik mi breda, we riili chos iina Jiizas, a im elp fi rait da leta ya, so widoutn mek it tuu lang, mi rait fi jos elp unu fi gwaan uol aan pan Gad, an fi tel unu chrang chrang se wa Gad du fi unu riili a shuo se im lov unu bad bad. Tan op chrang iina da lov de.

Iibruu 13:22

Nou breda an sista, mi a beg unu, bier wid di likl mesij we mi rait fi mek unu aat chrang, an no bada get beks, kaaz a no notn lang mi rait.

Taitos 3:1

Mek shuor di piipl dem memba se dem fi rispek an fala di ruula dem fi di konchri an di piipl dem we iina powa; dem fi lisn, fala an eva redi fi du aal kain-a gud sitn.

2 Timoti 2:14

No mek nobadi figet dem sitn ya. Waan dem iina Gad niem fi tap fait uova wa som wod miin. Dem sitn de no elp nobadi. It onggl mash op di piipl dem we ier it.

2 Timoti 1:6

Siek-a dat yu mos mek shuor se yu gwaan yuuz di gif we Gad gi yu wen mi did put mi an dem pan yu an prie.

1 Timoti 4:6

Timoti, yu wi bi wan gud sorvant fi Jiizas Krais ef yu tiich di piipl di chuut bout dem sitn ya, gwaan kip di chuu mesij bout Krais Jiizas kluos tu yu aat an gwaan fala di chuu sitn dem we mi did tiich yu.

Gyalieshan 2:9

An wen di big impuotant liida dem — Jiemz, Siifas an Jan, si se a Gad gi mi da speshal wok ya fi du, dem shiek fi mi an Baanabas an. Dem shiek wi an fi shuo se wi a wan a dem an dat wi fi gwaan tiich di Gud Nyuuz tu di piipl dem we a no Juu, jos laik ou dem a priich it tu di Juu dem.

1 Korintiyan 3:10

Mek mi put it wan neda wie. Gad gud an kain tu mi, so im mek mi wan a im ed bilda dem. A mi go iin go bil di foundieshan we sumadi els a-go bil pan. Nou aal a wi afi wach ou wi a bil.