Ruoman 15:14 - Di Jamiekan Nyuu Testiment

¹⁴ Mi breda an sista, mi muor dan shuor bout unu, mi nuo se unu a gud piipl, unu nuo evriting we unu sopuoz fi du an unu kyan tiich unu wan aneda.

Ruoman 15:14 ပူးပေါင်းရင်းမြစ်များ

1 Korintiyan 1:5

An kaaz unu an Jiizas kluos, Gad bles unu wid nof gud sitn. Im mek unu kyan priich im wod an im mek unu kyan andastan evriting we de de fi nuo bout im Spirit.

1 Korintiyan 12:8

Gad Spirit mek som piipl kyan taak tingz we waiz, an ada piipl, Gad Spirit mek dem se tingz we ful op a wa Gad waahn piipl fi nuo.

1 Korintiyan 13:2

Ef mi kuda kyari mesij chriet fram Gad, an nuo bout aal a di tingz we Gad kip fram mi an nuo bout evriting we de fi nuo bout, an mi so chrang iina wa mi biliiv dat mi kyan muuv mountn bot mi no av lov iina mi aat, mi a no notn.

1 Korintiyan 8:1

Nou bout di fuud we unu sakrifais an gi faalz gad: wi nuo se aal a wi nuo bout da kain-a sakrifais de. Wen yu nuo sopm it kaaz yu fi get buosi bot lov, lov bil op piipl — it elp dem get chrang.

1 Korintiyan 8:10

Kaaz ef wan a dem piipl de si wan a unu we chrang a iit di fuud we dem gi op tu di faalz gad dem, unu no tingk se dem a-go nyam it tu iivn duo dem tingk a sin?

1 Korintiyan 8:7

Bot a no evribadi nuo dis. Som piipl get so yuus tu worship faalz gad dat wen dem iit di fuud dem stil tingk se a wan sakrifais tu di faalz gad dem. An chuu dem stil yong iina wa dem biliiv, dem tingk se dem a sin wen dem nyam da fuud de.

2 Korintiyan 8:7

Nou, unu a du beta dan nof ada piipl. Unu biliiv iina Gad chrang chrang, unu nuo ou fi taak an priich gud, unu waiz an unu neva gi op. Unu lov wi nof nof tu. So sins unu a du so gud, mi waahn unu fi mek shuor se unu du gud wen unu a gi tu. Mek shuor se jos laik ou unu get muor dan ada piipl, unu gi muor dan ada piipl.

Ifiijan 5:9

(kaaz di sitn dem we kom fram di lait, a onggl wa gud, rait an chuu).

Filipiyan 1:11

an dat evriting we unu du wi gud fi chuu — a onggl Krais Jiizas kyan mek unu du dem sitn de. Mi a prie fi aal a dat so dat Faada Gad wi get nof rispek an priez.

Filipiyan 1:7

Mi nuo se it aarait fi mi tingk da wie ya bout aal a unu, kaaz mi lov unu an aal a unu elp mi wen mi did a tan op an a difen di Gud Nyuuz, weda mi did lak op iina prizn ar mi did frii. Aal a unu tek paat iina di gud sitn we Gad gi mi fi du, iivn duo wi no dizorv it.

Koloshan 3:16

An unu fi gwaan mek di mesij bout Krais Jiizas liv iina unu aat an bles unu iina evri wie. So tiich an waan unu wan aneda. Du it laik unu av sens, an du it wid Saamz, di im dem an di sang dem we Gad Spirit gi unu fi sing. Sing tu Faada Gad wid aal a unu aat an gi im tangks.

1 Tesaluoniyan 5:11

So unu fi taak di sitn dem fi elp unu wan aneda get chrang, laik wa unu a du nou, an gwaan bil op unu wan aneda.

1 Tesaluoniyan 5:14

An breda an sista, wi beg unu fi waan di aiglaz dem we no waahn wok; elp di wan dem we friedi-friedi fi get briev, an elp di wan dem we wiik iina eni kain-a wie tu. An beg unu du, tek unu taim wid evribadi.

2 Tesaluoniyan 1:11

A dat mek wi kip aan a prie fi unu. Wi prie se Gad wi mek unu gud inof fi di kain-a laif we im kaal unu fa. An wi prie se Gad wi elp unu so dat wid fi im powa unu wi du aal a di gud sitn dem we unu waahn fi du, an unu wi du dem tu kaaz unu biliiv iina im.

2 Timoti 1:5

Mi memba ou yu chos iina Gad nof nof. Jos laik ou yu mada Yuunis an yu granmada Lai did biliiv iina Gad an did chos iina im nof nof tu. Mi shuor se jos laik dem yu biliiv an chos iina Gad nof nof tu.

Failiiman 1:21

Yu si chuu mi nuo se yu wuda fala aal we mi se, mi rait yu. Mi rait yu kaaz mi nuo se yu wuda aal du muor dan wa mi aks yu fi du.

Iibruu 5:12

Kaaz wen unu shudaana tiich ya nou, unu niid sumadi fi tiich unu uova di fos sitn dem we Gad se. Unu ton piipl we niid milk; unu kyaahn nyam aad fuud!

Iibruu 6:9

Bot fren, iivn duo wi taak so, wi shuor se fi unu kies difrant — wi shuor se beta sitn a-go apm tu unu, kaaz unu a liv laik piipl we Gad siev.

2 Piita 1:12

A dat mek mi afi memba unu aal di wail bout dem sitn ya; iivn duo unu nuo dem aredi an don a uol aan chrang pan di chuu mesij we unu get aredi.

1 Jan 2:21

Mi neva did rait tu unu kaaz unu neehn nuo di chuut, bot kaaz unu nuo it aredi, an no lai kyaahn kom fram di chuut.