Ruoman 15:1 - Di Jamiekan Nyuu Testiment

¹ Nou wi we chrang iina wa wi biliiv, wi fi tek taim wid an elp di wan dem we wiik. Wi no fi jos du di sitn dem we wi waahn an wa wi mek wi api.

Ruoman 15:1 ပူးပေါင်းရင်းမြစ်များ

Ruoman 14:1

Di breda an sista dem we no chrang iina wa dem biliiv, unu mos tek dem iin an mek dem fiil welkom. No aagyu wid dem bout wa dem fiil rait fi du ar rang fi du.

Ruoman 14:2

Som piipl biliiv se dem kyan iit evriting, bot di piipl we no chrang iina wa dem biliiv, dem wi onggl iit vejitebl — dem naa iit no miit.

Ruoman 4:20

Iebriyam neva tap biliiv an im neva kwestiyan Gad. Im gi Gad priez an kaaz im chos iina Gad, im get chrang.

1 Korintiyan 4:10

Nof piipl tingk wi a fuul kaaz wi biliiv iina Krais Jiizas. Bot unu, unu tingk se unu waiz kaaz unu bilang tu Krais. Nof piipl tingk se wi naa no powa fi du notn bot unu, unu tingk se unu av nof powa. Piipl shuo unu rispek bot dem no rispek wi.

1 Korintiyan 9:22

Tu di piipl dem we wiik mi ton wiik tu, so dat mi kuda elp dem fi biliiv iina Jiizas Krais. So bies pan ou piipl liv, mi chienj ou mi liv so dat mi wuda du aal we mi kuda du fi elp siev som a dem.

2 Korintiyan 12:10

So mi api se mi wiik. Wen piipl chriit mi bad, wen chobl tek mi, wen piipl kaaz mi fi sofa an wen tingz aad, mi stil api. Mi api fi sofa fi Krais Jiizas kaaz wen mi wiik, a da taim de mi chrang.

Ifiijan 6:10

Dis a di laas sitn we mi a se: unu an di Laad kluos, so mek im powa mek unu chrang.

Filipiyan 2:4

An unu no fi luk out onggl fi unuself wan, bot unu fi kier bout unu breda an sista dem tu.

1 Tesaluoniyan 5:14

An breda an sista, wi beg unu fi waan di aiglaz dem we no waahn wok; elp di wan dem we friedi-friedi fi get briev, an elp di wan dem we wiik iina eni kain-a wie tu. An beg unu du, tek unu taim wid evribadi.

2 Timoti 2:1

So yu, Timoti, we komiin laik mi pikni, mek di lov we Krais Jiizas gi iivn duo wi no dizorv it, kip yu chrang.

1 Jan 2:14

Likl pikni, mi did rait unu, kaaz unu nuo di Faada. Mi did rait unu uolda piipl, kaaz unu nuo di wan we de bout fram wie bak wen. Yong piipl mi did rait unu, kaaz unu chrang. Gad mesij de iina unu aat, kaaz unu biit di Wikid wan aredi.