Ruoman 14:19 - Di Jamiekan Nyuu Testiment

¹⁹ So den mek wi aalwiez chrai fi du di sitn dem we kaaz piipl fi liv iina piis an we wi elp fi bil op wi wan aneda.

Ruoman 14:19 ပူးပေါင်းရင်းမြစ်များ

Ifiijan 4:29

Unu fi tap chat doti chat. Taak gud sitn aal di taim. Da wie de, di sitn dem we unu se wi bil op di piipl dem we niid fi get bil op. An enibadi we ier we unu se wi nuo ou Gad lov dem iivn duo dem no dizorv it.

Ruoman 12:18

Ef it kyan apm, du evriting we unu kyan du fi mek shuor se unu liv iina piis wid evribadi.

Ruoman 15:2

Insted-a dat mek evri wan a wi du di sitn dem we wi mek wi breda an sista api, mek wi du di sitn dem we gud fi dem an wa wi elp fi bil dem op.

Iibruu 12:14

Chrai aad fi liv iina piis wid evribadi, an chrai fi no dabl-dabl iina sin bot tan gud an kliin kaaz nobadi naa get fi si Gad ef dem no gud an kliin.

2 Korintiyan 13:11

Breda an sista, aal mi av fi se fi don da leta ya a dat mi uop se unu wi api. Chienj unu wiez an liv ou unu sopuoz fi liv. Mi a beg unu lisn an fala aal we mi tel unu. Kom tugeda an biliiv di siem ting an liv iina piis wid unu wan aneda. An Gad we lov wi an we gi wi piis wi tan wid unu aalwiez.

Maak 9:50

“Saalt gud, bot ef di ties gaan, ou yu a-go mek it ties laik saalt agen? Mek di Gud Nyuuz komiin laik saalt mongks unu an kaaz unu fi liv iina piis wid wan aneda.”

Matyu 5:9

Gad bles aal a uu elp piipl fi liv iina piis, kaaz a piipl laik dem de Gad a-go kaal fi im pikni dem.

1 Piita 3:11

Dem fi ton we fram wikidnis an du di gud sitn dem. An dem fi chrai aad fi liv iina piis wid dem wan aneda.

1 Korintiyan 14:26

So mi breda an sista, a wa unu fi du den? Mi a-go tel unu! Wen unu gyada tugeda fi av choch, evriting we unu du, unu fi du it so dat unu wi elp evribadi. A so it fi tan wen sumadi a sing wan sang ar a tiich, ar a kyari mesij fram Gad. A so it go wen sumadi a taak iina tongz ar wen sumadi a tel unu we di piipl we a taak iina tongz a se.

1 Korintiyan 10:33

Unu fi du laik mi. Mi chrai fi du tingz we wi kaaz evribadi fi api. Mi no du tingz fi elp miself wan bot mi du tingz we wi elp evribadi. Mi du dat so dat evribadi kyan get siev.

2 Timoti 2:22

So ron we fram di wikid sitn dem we di yong piipl dem waahn fi du an chrai aad aad fi du we rait. Yu mos liv ou Gad waahn yu fi liv an yu fi shuo lov an tek taim wid ada piipl. Chos iina Jiizas an no gi op. Timoti dis a wa yu fi du. An aal a di piipl dem we worship Gad wid wan kliin aat fi du it tu.

1 Timoti 1:4

Dem no fi wies dem taim niida pan mek op tuori we no mek no sens at aal, an dem no fi bada wid uu a uufa jinarieshan. Dem de sitn de onggl kaaz piipl fi kwaril-kwaril wid dem wan aneda insted-a chos iina Gad plan fi siev piipl.

2 Korintiyan 12:19

Unu tingk se aal a dis we mi a rait, a fi pruuv tu unu se wa wi a du rait? Kaaz wi a Jiizas sorvant dem, wi aalwiez tiich di chuut laik se Gad tan op rait infronta wi, an mi fren, evriting we wi tiich a fi elp unu gruo chrang.

1 Korintiyan 7:15

Bot ef di wan we no biliiv iina Gad waahn fi lef, mek dem gwaan. Ef dem waahn lef, di breda ar sista we biliiv no afi stie marid tu dem no muor. Kaaz Gad waahn wi fi liv iina piis.

1 Korintiyan 8:1

Nou bout di fuud we unu sakrifais an gi faalz gad: wi nuo se aal a wi nuo bout da kain-a sakrifais de. Wen yu nuo sopm it kaaz yu fi get buosi bot lov, lov bil op piipl — it elp dem get chrang.

1 Korintiyan 10:23

Som piipl se, “Mi kyan du eniting wa mi waahn fi du,” bot a no evriting gud fi yu. Dem se, “Mi kyan du eniting wa mi waahn fi du,” bot a no evriting a-go elp yu fi gruo.

1 Korintiyan 14:3

Bot di wan dem we di Spirit lou fi kyari mesij fram Gad, dem a taak fi piipl andastan. Di mesij we dem kyari elp piipl fi get chrang iina wa dem biliiv, push dem fi gwaan biliiv an elp dem wen dem sad.

1 Korintiyan 14:4

Di piipl we taak iina tongz onggl a bil op demself bot di piipl we kyari mesij fram Gad a elp fi bil op di choch.

1 Korintiyan 14:5

Nou mi waahn aal a unu fi kyan taak iina tongz bot muo dan dat mi waahn unu fi kyan kyari mesij fram Gad kom tel di piipl dem. Kaaz di wan dem we kyari mesij fram Gad muo impuotant dan di wan dem we taak iina tongz, ef wen dem taak iina tongz dem kyaahn tel wi wa it miin.

Ifiijan 4:12

Im du aal a dis ya fi get Gad piipl redi fi du Gad wok an fi elp di choch fi gruo chrang