Ruoman 14:14 - Di Jamiekan Nyuu Testiment

¹⁴ Mi an Jiizas a wan an so mi nuo fi shuor se no fuud no de we rang fi mi iit. Bot ef sumadi riili biliiv se it rang fi dem iit sopm, den it wuda rang fi dem iit it.

Ruoman 14:14 ပူးပေါင်းရင်းမြစ်များ

Taitos 1:15

Evriting kliin fi di piipl we aat kliin an uufa main no ful-a sin. Bot notn no kliin fi di wan dem we mek sin ruul dem an we no biliiv. Fi dem aat an main doti.

Ruoman 14:2

Som piipl biliiv se dem kyan iit evriting, bot di piipl we no chrang iina wa dem biliiv, dem wi onggl iit vejitebl — dem naa iit no miit.

1 Korintiyan 8:7

Bot a no evribadi nuo dis. Som piipl get so yuus tu worship faalz gad dat wen dem iit di fuud dem stil tingk se a wan sakrifais tu di faalz gad dem. An chuu dem stil yong iina wa dem biliiv, dem tingk se dem a sin wen dem nyam da fuud de.

1 Timoti 4:4

Evriting we Gad mek gud, so ef yu gi tangks yu no afi fried fi nyam notn.

1 Korintiyan 8:10

Kaaz ef wan a dem piipl de si wan a unu we chrang a iit di fuud we dem gi op tu di faalz gad dem, unu no tingk se dem a-go nyam it tu iivn duo dem tingk a sin?

Aks 10:28

So Piita se tu dem, “Aal a unu nuo se azkaadn tu di Juu dem Laa, it no rait fi wan Juu av notn fi du wid piipl we a no Juu, ar fi go a dem yaad. Bot Gad shuo mi se mi no fi luk pan nobadi an tingk se dem no kliin ar se it rang fi mi kip kompni wid dem.

1 Korintiyan 10:25

Yu kyan nyam di miit we dem sel iina di maakit an no afi wori ef it rait ar rang

Ruoman 14:23

Bot ef sumadi iit sopm, an a wanda ef it rang ar it rait fi dem iit it, Gad a-go joj dem an se dat wa dem a du rang, kaaz dem naa liv azkaadn tu wa dem biliiv. An eniting we no lain op wid wa yu biliiv rait, a sin.

Ruoman 14:20

No mash op di wok we Gad du uova fuud. So iivn duo evriting kliin an gud fi iit, it wuda rang fi yu iit it ef it a-go kaaz sumadi fi sin.

Maak 7:2

An dem si se som a Jiizas falara dem nyam dem fuud an dem neva wash dem an.