Ruoman 14:13 - Di Jamiekan Nyuu Testiment

¹³ So mek wi tap joj wi wan aneda. Insted-a dat mek wi chrai wi bes fi no du notn we wi kaaz wi breda an sista fi sin.

Ruoman 14:13 ပူးပေါင်းရင်းမြစ်များ

2 Korintiyan 6:3

Wi mek shuor se wi no du notn we wuda kaaz piipl fi no biliiv iina di mesij we wi a tiich. Wi no waahn nobadi fi av notn bad fi se bout di wok we wi a du.

Jiemz 4:11

Mi breda an sista, no taak bad sitn buot wan aneda! Ef unu du dat ar joj piipl an gwaan laik se Gad kyaahn paadn dem, unu a se Gad Laa no gud. An ef unu se di Laa no gud unu a gwaan laik se a unu a joj uova di Laa.

Luuk 12:57

“Wa mek unu no joj fi unuself wa rait?

Matyu 7:1

“No joj piipl laik se Gad kyaahn paadn dem, so di siem sitn wi no riich unu.

Ruoman 16:17

Nou breda an sista, mi a beg unu wach out fi di piipl we kaaz di piipl iina di choch fi plit op an fait wid dem wan aneda, we kaaz piipl fi ton we fram wa dem biliiv an we taak gens an tiich tingz we no lain op wid wa unu did lorn. No av notn fi du wid dem!

Ruoman 14:10

So den unu we no iit miit — wa mek unu a joj unu breda an sista? An unu we iit evriting — wa mek unu a luk dong pan unu breda an sista? Aal a wi afi go tan op infronta Gad fi im joj wi.

Luuk 17:2

Dem wuda betaraaf ef wan big big rakstuon did tai roun dem nek an dem get fling iina sii, dan fi dem kaaz wan a dem likl wan ya fi sin.

Revilieshan 2:14

Bot mi stil av sopm gens unu. Unu av som piipl iina unu choch we a fala wa Bielam tiich. Bielam did tiich Bielak ou fi chrik di Izrelait dem fi mek dem sin. Im chrik dem mek dem nyam fuud we did bon pan alta gi faalz gad, an mek dem sliip wid ada piipl ozban an waif.

Jiemz 2:4

ef unu du dat, no paashal unu paashal? Dat shuo se unu tek said an a joj piipl rang.

1 Korintiyan 11:13

Tingk bout dis an ansa da kwestiyan ya fi unuself: It rait fi wan uman prie tu Gad an no kova op ar ed?

1 Korintiyan 10:32

No du notn we a-go kaaz di Juu dem, di piipl we a no Juu ar Gad choch fi sin.

Ruoman 14:4

Uu unu tingk unu bi, fi a joj sumadi els sorvant? A onggl di sorvant maasta kyan tel im ef im a du we im fi du ar ef im naa du we im fi du — onggl dem maasta kyan se ef dem a tan op ar dem a faal dong. An dem wi tan op kaaz di Laad kyan mek dem tan op.

Matyu 18:7

“Chobl fi da worl ya, siek-a aal a di sitn dem we de ya fi mek piipl du rang! Tingz afi kom fi mek piipl sin yu no, bot yu si di piipl dem we mek ada piipl du rang, chobl fi dem!

Matyu 16:23

Bot Jiizas ton tu Piita an se, “Gu we fram mi Sietan! Yu dis a blak op mi wie so, kaa yu naa tingk bout di sitn dem we Gad waahn; a onggl wa piipl waahn de pan yu main!”

1 Jan 2:10

Bot enibadi we lov dem breda an sista a liv iina di lait an no av notn iina dem laif fi mek nobadi sin.

1 Timoti 5:14

So mi waahn di yongga uman dem we ozban ded fi go marid agen. Dem fi get marid, av pikni an tek kier a dem fambili so dat di piipl dem we no laik wi, kyaahn av notn bad fi se bout wi.

Filipiyan 1:10

an fain out di sitn dem we rait. Mi prie se wen unu fain out dem sitn de unu wi liv rait so nobadi kyaahn paint no fingga pan unu wen Krais Jiizas kom bak,

2 Korintiyan 5:14

Krais Jiizas lov wi, an a fi im lov mek wi a du wa wi a du. Kaaz wi nuo an biliiv se im did ded fi di uol a wi. An sins im ded fi evribadi, aal a wi did ded wid im tu.

Ruoman 11:9

An Dievid did se, “Mi prie se Gad wi set wan chrap fi dem an kech dem wen dem a av dem big big iit op. Gad, mek dem faal dong an ponish dem fi di rang we dem du;

Ruoman 14:3

Di piipl we iit evriting dem no fi luk dong pan di piipl dem we no iit miit an di piipl we no iit miit, dem no fi joj di piipl we iit miit kaaz Gad don tek dem fi fi im pikni dem.