Ruoman 13:9 - Di Jamiekan Nyuu Testiment

⁹ Di Laa dem: “No sliip wid nobadi we yu no marid tu, no kil, no tiif, no red yai aafa piipl tingz,” aal a dem de an di res a Laa dem, yu kuda put dem tugeda an mek wan Laa we se: “Lov yu nieba laik ou yu lov yuself.”

Ruoman 13:9 ပူးပေါင်းရင်းမြစ်များ

Matyu 22:39

Di sekan wan tan laik it. It se, ‘Yu fi lov yu nieba siem laik ou yu lov yuself.’

Maak 10:19

Yu nuo wa Muoziz Laa se, ‘No kil, no sliip wid nobadi we yu no marid tu, no tiif, no tel lai pan piipl, no chrik piipl fi tek we wa dem av, rispek yu faada an mada an du wa dem se.’ ”

Maak 12:31

Di sekan muos impuotant Laa a dis: ‘Yu fi lov yu nieba siem laik ou yu lov yuself.’ No ada Laa no muo impuotant laik dem tuu ya.”

Luuk 10:27

Di man se, “‘Yu fi lov di Laad we a fi yu Gad. Yu fi lov im wid aal a yu aat, lov im wid di uol a yu suol, lov im wid aal a yu chrent an wid di uol a yu main,’ an, ‘yu fi lov yu nieba siem laik ou yu lov yuself.’”

Luuk 18:20

Yu nuo di Laa dem: ‘No sliip wid nobadi we yu no marid tu, no kil, no tiif, no tel lai pan piipl an yu fi rispek yu faada an mada.’”

Gyalieshan 5:13

Breda an sista, Gad kaal unu so dat unu kuda frii fram di Juu dem Laa. Bot dat no miin se unu kyan go liv eni ou unu waahn fi liv. Wa unu fi du a sorv an lov wan aneda.