Ruoman 13:8 - Di Jamiekan Nyuu Testiment

⁸ No uo nobadi notn — pie piipl wa unu uo dem. Di onggl ting unu fi uo piipl a lov kaaz enibadi we lov dem nieba laik ou dem lov demself, dem a du evriting we di Laa se.

Ruoman 13:8 ပူးပေါင်းရင်းမြစ်များ

Matyu 7:12

So, no mata wa unu a du, unu fi chriit piipl ou unu waahn dem fi chriit unu. Dis a we di Laa an di prafit dem did miin.

Jan 13:34

“Mi a tel unu fi du sopm nyuu — lov unu wan aneda. Sed wie mi lov unu, a so unu fi lov unu wan aneda.

Ruoman 13:10

Ef yu lov sumadi yu naa go du notn bad tu dem. So den, wen yu lov piipl, yu riili a du aal we di Laa se.

Ruoman 13:7

Unu mos pie piipl wa unu uo dem: Ef unu av taks fi pie, pie di uol a dem; ef piipl fi get rispek, rispek dem an ef a big dem fi get big op, den big dem op.

Gyalieshan 5:14

Wen yu luk pan it, aal di Laa riili a tel unu fi du a fi “Lov unu nieba laik ou unu lov unuself.”

Koloshan 3:14

An pan tap a aal a wa mi se, unu fi put aan lov. A lov bring di uol a dem tugeda laik se dem a onggl wan sitn — an a so it fi go.

1 Timoti 1:5

Mi tel yu fi du dis so di piipl dem kyan lov dem wan aneda wid di kain-a lov we kom fram wan gud aat, we nuo rait fram rang. Wen dem lov dem wan aneda so, dem a ak laik piipl we riili bilang tu Gad.

Jiemz 2:8

A gud sitn ef unu fala di Laa we aiya dan eni ada laa, an we rait dong iina Gad wod se, “Unu fi lov unu nieba siem laik ou unu lov unuself.”

1 Jan 3:10

Wi kyan nuo uu a Gad pikni fram uu a di Devl pikni. Enibadi we no du wa rait iina Gad yai, an we no lov dem breda an sista, dem a no Gad pikni.