Ruoman 13:13 - Di Jamiekan Nyuu Testiment

¹³ So mek wi liv ou wi nuo wi fi liv, mek wi liv laik piipl we iina di lait, no laik piipl we iina di daak. Wi no fi tek paat iina no wail seks paati an wi no fi jringk til wi jongk. Wi no fi a sliip roun sliip roun ar a tek paat iina no kain-a seks sin. Unu no fi lov fait an unu no fi red yai fi ada piipl tingz.

Ruoman 13:13 ပူးပေါင်းရင်းမြစ်များ

Luuk 1:6

Gad si se di tuu a dem a did gud sumadi. Kaaz dem liv ou im waahn dem fi liv, dem du aal a wa im tel dem fi du an nobadi kudn paint no fingga pan dem.

Luuk 16:19

“Wan taim yu did av wan rich man we yuus tu jres op iina porpl kluoz mek outa fansi an dier klaat an did a liv big laif evridie.

Luuk 21:34

“Wach out an no spen di uol a unu taim a nyam an jringk, an a fret bout laif, ar da die de a-go kriip op an kech unu laik wan chrap.

Aks 2:15

Dem piipl ya no jongk laik unu tingk. A jos nain aklak a maanin!

1 Korintiyan 3:3

Unu stil a mek di sitn dem we unu badi waahn kanchuol unu. Ef unu eva a kos unu wan aneda, an ef unu eva red yai an waahn waahn unu wan aneda sitn dem, unu no tingk se unu a mek unu badi kanchuol unu? Unu no tingk se unu a gwaan laik di piipl dem we no nuo Gad?

Gyalieshan 5:19

Aal a wi nuo bout di sitn dem we piipl du wen dem mek dem badi kanchuol dem. Dem de piipl de sliip roun sliip roun wid evribadi an evriting. Dem main an aat doti. Dem naa no kanchuol uova demself.

Gyalieshan 5:21

Aal dem waahn, a wa ada piipl av. Dem de piipl de eva a jringk tu moch, an a go aal kain-a wail paati. A dem de kain-a sitn de dem lov du. Mi a waan unu jos laik ou mi did waan unu bifuo: di wan dem we mek dem badi kanchuol dem an we du aal a di sitn dem we mi jos taak bout — dem naa go kyan tek paat iina Gad kindom.

Ifiijan 4:1

So den, mi we de a prizn kaaz mi a sorv di Laad, a beg unu — unu we Gad pik fi bi im piipl; mi a beg unu fi liv ou Gad waahn unu fi liv.

Ifiijan 4:17

So, lisn nou! Mi a Gad sorvant so mi av di rait fi tel unu wa unu fi du. Unu no fi liv no muo laik di piipl dem we no nuo Gad. We dem piipl de main tel dem fi du no mek no sens.

Ifiijan 5:15

Wach ou unu liv. No gwaan laik unu a fuul. Ak laik se unu av sens.

Ifiijan 5:18

No bada jringk chrang jringk an get jongk an galang bad an gwaan wid aal kain-a naasinis. Wa unu fi du a mek di Uoli Spirit tek kanchuol a unu laif.

Ifiijan 5:8

Wan taim, unu did a liv iina di daak laik piipl we no nuo Gad. Bot nou dat unu ton di Laad pikni, unu no iina daaknis agen, unu iina lait. So nou, unu mos liv laik piipl we de iina di lait,

Filipiyan 1:27

So mek shuor se unu liv ou di Gud Nyuuz bout Krais Jiizas se unu fi liv. Da wie de weda mi kom luk fi unu, ar mi no kom, mi wi ier se aal a unu a tan op chrang tugeda fi di siem ting an a fait fi wa unu biliiv bout di Gud Nyuuz.

Filipiyan 2:3

So no du notn jos so unu kyan get wa unu waahn. An no shuo aaf fi chrai mek piipl tingk unu impuotant ar beta dan nobadi. Wa unu fi du a ombl unuself an chriit wan aneda beta dan ou unu wuda chriit unuself.

Koloshan 1:10

An a so kom unu wi kyan liv laik Gad piipl an eva du di sitn dem we wi mek im api: Unu wi du aal kain-a gud sitn, an get fi riili nuo Gad muo an muo tu.

Koloshan 3:5

Eniting we insaida unu we bilang tu da worl ya — dash it we! Mi a taak laik seks sin, an ou unu mait-a lang fi go miks op unuself iina dem sitn de. Unu mait-a no tap tingk bout dem, an waahn fi go du dem so til unu galang go du dem. Bot dem de no kliin. Unu fi dash we dat! Plos aal a di sitn dem we unu waahn waahn we no rait; plos di wikid sitn dem we unu waahn fi du. Unu fi klier dem outa unu laif! Kil dem! An unu no fi waahnti-waahnti niida; aal waahn waahn tingz we unu no niid! Wen unu du dat, a worship unu a worship dem sitn de insted-a unu a worship Gad.

1 Tesaluoniyan 2:12

Wi gi unu gud wod, wi gi unu chrent an wi kip aan a beg unu fi liv laik Gad piipl. Kaaz a im kaal unu iina fi im kindom an kaal unu fi kom nuo ou big an powaful im bi.

1 Tesaluoniyan 4:12

Da wie de, ou unu liv wi mek piipl we no biliiv an chos iina Gad rispek unu an unu no afi luk tu nobadi fi notn niida.

1 Tesaluoniyan 5:17

No tap prie.

Jiemz 4:5

Wen Gad wod se, “Di spirit we Gad put iina wi jelos bad an wel waahn wi fi kip tu Gad wan” — unu tingk se it se dat fi notn?

1 Jan 2:6

Ef sumadi se Gad liv iina dem, dem fi liv di wie Krais Jiizas liv.

2 Jan 1:4

Mi wel api kaaz mi fain out se som a yu pikni dem a liv azkaadn tu di chuut jos laik ou Faada Gad se wi fi liv.

Juud 1:23

Di wan dem we iina di faiya, grab dem out an siev dem; an yu av som ada piipl we unu fi tek piti pan, bot wach unuself wid dem, an av rispek fi Gad siem wie, an iet dong tu di kluoz we dem sin mes op.